Mellora Mitigasaun Dezastre ! Sorumutu APC Aprenzenta Progressu & Dejafiu Sira

SAPNewsTL, Dili : Prezidente Autoriedade Protesaun Civil superintendente polisia Ismael da Costa realiza reuniaun ho estrutura nivel altu APC nasional Munisipiu hodi halo preparasaun kordenasaun hodi responde ba situasaun dezastre naturais iha teritorriu Nasional.

“Ohin Protesaun Civil realiza enkontru kordenasaun atu halo avaliasaun kona ba progresu saida maka halo tiha ona,aleinde ida ne’e ita identifika mos dezafiu ne’ebe durante ne’e enfrenta tinan kotuk liu ba sai referesia para bele hare fali lakunas sira ne’e para bele hakat ba 2024, buat ne’ebe maka la kompletu ita halo kompleta buat ne’ebe la diak ita hadia no buat ne’ebe seidauk iha inisiativa atu tau tan no hadia diak Liu tan”. Dehan Prezidente Autoriedade Protesaun Civil superintendente polisia Ismael da Costa, iha Salaun APC Caicoli-Dili, 17/01/2024.

Prezidente APC hatutan iha reuniaun ne’e hamutuk ho autoridade Protesaun Sivil sira husi Munisipiu hodi tau hanoin hamutuk ba servisu sira ne’ebe atu halo iha tinan ne’e.

“Enkontro ida ne’e envolve estrutura tomak husi autoridade protesaun civil nian to’o munisipio no seksaun sira, ami bolu deit kargu xefia sira husi Prezidenti autoridade komandante operasoes adjuntu no gabineti apoiu ho Diretor, komandante unidade, komandante munisipiu sira, departamentu, seksaun sira”.

“Sira hotu partisipa atu autoridade rona progresaun saida maka sira sei halo tinan kotuk, dezafiu saida mak sira enfrenta iha tinan kotuk rona mos sira nia sujestaun opiniaun tau hamutuk para autoridade protesaun civil bele deside hodi avansa sai hanesan referensia i solusaun ba efisiesia efikasia hodi servi ba povu no rai doben ida ne’e iha ambito dezastre naturais ho asidente grave”. Tenik Prezidente APC

Prezidente Ismael akresenta iha enkontru ne’e sira identifika ona pontus balun halai ba prevensaun no mitigasaun ba dezestre emerjensia sira.

“Ami halo diskusaun identifika pontus ne’ebe ami mensiona, komando diretiva operasoes iha tinan oin mai liu liu fahe tarefas kada diresaun komandu munisipiu sira, oinsa atu realiza kada siklu dezastre iha prevensaun no mitigasaun no kuando dezastre emerjensia responde ho mos operasaun ninian siklu tolu ne’e ami sei tau iha operasional fahe mos ba kada diresaun ho komandante munisipiu liu husi lei organika ne’ebe estabelesidu i mos lei husi seguransa nasional ho lei protesaun sivil”. Prezidente salienta

Ismae fundamenta sira halo ona analiza ne’ebe no halo diagnostiku ba dezafiu ida komun maka siensia populasaun ba prevensaun dezastre naturais ne’ebe dehan adaptasaun mudansa klimatika ne’e sai dezafiu mundial laos iha Timor globalmente rejioal no mos nasional.

“Dezastre ne’e sai dezafiu ba mudansa klimatika i mos konsiensia populasaun ne’e oinsa mak atu adapta labele soe lixu arbiru tenki kuda ai, Labele tesi ai arbiru, sunu rai no labele hela iha fatin risku ne’ebe bainhira udan hetan dezastre ida ne’e dezafiu komun, dezafiu entermus ba protesaun sivil maka utiliza nafatin espasu de serbisu seidauk adekuadu ami haree hela ida ne dezafiu seluk maka ekipamentu fasilidade,komunikasaun transporte nesesidade basika minimu para ami bele halo operasaun”.

Nia haklean “Dezafiu seluk tan maka kapasitasaun rekursu humanu ne’ebe ami kontinua nafatin tanba ho mudansa klimatika sistema hotu tenki teknologia presiza kapasitasaun para dada ita nia pessoal sira kontinua aprende”. Nia salienta

Prezidente APC ne’e mos husu guvernu atu nafatin tau orsamentu hodi investe iha dezastre naturais atu kontinua halo manutensaun ba ekipamentus sira hodi halo prevensaun ba dezastre sira.

“Husu ba Nai ulun sira no ita nia Estadu tau nafatin orsamentu para kompleta fasilidade ne’ebe maka protesaun civil sei kompleta, sira ne’ebe mak iha ami halo manutensaun utiliza nafatin ne’ebe menus ita solisita para politika tau nafatin investimentu ba dezastre naturais para bele halo prevensaun, ita prevene diak liu duke ita rekopera tanba rekopera ne’e ita uza orsamentu bo’ot maibe diak liu ita rekopera sensibilizasaun ho situasaun sira ne’e no ita bele minimiza orsamentu”. Nia informa

Jornalista : Ermelinda Soares