Tristeza ! Estudante UNTL, Pither Tara An Iha Bekora
SAPNewsTL, Dili : Estudante Universidade Nasionál Timor Lorosa’e, Fakuldade Agrikultura Departamentu Agronomia Pither Olandino Soares tara an iha nia hela fatin Bekora, Postu Administrativu Cristo Rei Munisipiu Dili.
Senadu Fakuldade Agrikultura UNTL Bendito dos Santos informa, Estudante Pither Olandino Soares tara an iha Bekora, Postu Cristo Rei Munispiu Dili, Matebean tama UNTL iha tinan 2021.
“Kolega Matebean Pither Olandino Soares tama UNTL iha tinan 2021, agora atu tama ba semester 7, ohin Nia tara an iha Bekora Postu Administrativu Cristo Rei”. Tenik Senadu Fakuldade Agrikultura Bendito dos Santos ba SAPNewsTL iha Dili, 18/01/2024.
Hafoin Matebean tara an, komunidade ne’ebe hela besik ho familia sira ba haree maibe matebeaa laiha ona iis, nune’e familia komfirma parte seguransa to’o iha fatin akontesimentu hodi halo identifikasaun no lori ba ospitál.
Bendito Dos Santos haktuir, parte saude atu halo autopsia ba Matebean nia isin maten maibe matebean nia aman la aseita entaun la halo autopsia.
“Atu halo autopsia maibe matebean ninia aman la autoriza, entaun la halo autopsia”. Nia dehan
Lider Estudante Fakuldade Agrikultura ne’e senti triste tebes Wainhira rona novidades iha dadersan dehan belun “Pither Olandino Soares” hakotu pegrerinasaun mundu nian.
“Ami Familia Boot Fakuldade Agrikultura senti triste tebes lakon ona belun no estudante diak ida iha ami hotu nian Leet. Durante ne’e kolega matebian kondisaun diak hela Horseik ho horibain-rua kolega matebian tuir hela aula no ezame”.
“Ohin nia laiha ona, lori Fakuldade Agrikultura (FAGRI)nian naran hato’o Sentidu Aprofunda ba familia Belun Pither Olandino Soares, deskansa ho damen”. Nia hateten.
Enkuantu, ohin familia translada ona mate isin Pither Olandino Soares ba nia rai moris fatin Postu Administrativu Lautém Munisipiu Lautém.
Jornalista : Ermelinda Soares