Kalan Nakukun ! Ahi Han Mutuk Mestre Ida Nia Uma Iha Zumalai
SAPNewsTL, Covalima : Orseik maiz ou menuz tuku 9 kalan (17/01/2024), Ahi han Uma ida mais ou menus tuku 9 iha Bairro Grenlas Suku Lour Postu Administrativu Zumalai Munisipiu Covalima.
Tuir Informasaun ne’ebe Média SAPnewsTL asesu liu husi Fonte Kredivel Senhora Nélia Moniz ne’ebe hela vizinu ne’e haktuir uma refere ahi han maiz ou menuz tuku sia kalan.
“Uma ne’e na’in mak Señór Dinis Barreto maibé hetan aluga husi Profesór João Hanorin iha EBC Zumalai. Ohin ami mós toba hotu ona no ami mós hakfodak hader mai iha tuku 9 liu, ahi komesa lakan sai ona ba Liur, Mestre João mós foin mak fila tama uma sorte nia halai sai lalais hodi salva ninia an”.Tenik Familia Vizinhu Nélia Moniz ba SAPNewsTL liu husi via telefónika iha Zumalai, 17/01/2024
Nelia Moniz hatutan, Durante ahi uma, ema ne’ebe hela iha uma refere konsege halai sai no salva an maibe sasan sira uma laran no dokumentu sira la konsege salva tanba ahi suar makaas.
“Professor ne’ebe hela iha uma ne’e konsege halai sai, mais sasan hirak ne’ebe iha uma laran inklui Dokumentus importante sira la salva hotu. Halai sai ho deit roupa iha isin lolon. Tamba uma ne’e dok oituan husi Estrada no didin ho Bebak (Piku), Nune’e komunidade mós salva la biban”.Nia informa
Sidadaun feto ne’e akresenta, susar atu halo intervensaun sedu tanba laiha bombeirus iha postu administrativu Zumalai, Munisipiu Covalima.
“Ita nia Zumalai ne’e problema boot kuandu akontese insendiu hanesan ne’e susar los atu hamate tamba ita nia Bombeiros la iha”. Nia sublinha
Enkuantu, hafoin notisia ne’e tun SAPNewsTL seidauk halo komfirmasaun ho parte Autoriedade Protesaun Civil tanba sei okupadu ho servisu seluk.
Jornalista : Marcela Mesquita Lemos