Matebean Francisco To’o Aeroportu, Família Simu Ho Matan Ween
SAPNewsTL, DILI: Sekretáriu Estadu Formasaun Profisionál no Empregu (SEFOPE) nia Xefe Gabinete Jacinto Ribeiro Dias entrega ona mate isin traballadór Fransisco da Costa Goncalves ba fámilia matebian iha Aeroporto Internasionál Nikolao Lobato Komoro.
Matebian Fransisco hanesan traballador ne’ebé hala’o servisu iha Korea Sul provinsial Gochang iha area peskas durante fulan hitu (7) hafoin hetan asidenti iha loron 17 fulan-Setembro 2023 to’o matebian hakotu vida.
Xefe Gabinete SEFOPE Jacinto Ribeiro Dias hato’o sentidu kondelensia ba familia enlutada husi matebian Fransisco da Costa Goncalves
“Iha fulan hitu (7) ba kotuk fámilia ho traballadór hamrik iha Aeroportu hodi fó mensajem ba katak Fransisco ba servisu iha ema nia rai kuidadu an atu nune’e familia (ami) bele senti buat ruma husi o (Fransisco).”
“Maibé liu tiha fulan hitu (7) familia (ita) hamrik nafatin iha Aeroportu ne’ebé hanesan hodi kontinua simu nafatin ho triste maibe triste ida ne’ebé despedida ikus nian entre SEFOPE ho Fámilia no Estadu ne’e rasik” Tenik Reprezentante SEFOPE, Xefe Gabinete Jacinto Ribeiro Dias iha Aeroportu Nikolao Lobato Komoro, Domingo (08/10).
Xefe Gabinete SEFOPE ne’e hatete, esforsu hotu-hotu entre estadu ho familia iha intensaun ida de’it katak sira atu sai heroi ida hodi transforma nasaun husi ekonomia ne’ebé di’ak hodi garante ho esperansa maibé katak Fransisco mos sai ona heroi ida ba nasaun ne’e.
“Ohin ita simu realidade ida ne’ebé tristeza ba nasaun no fámilia, ita hatene katak buat ne’ebé moris tenki termina ho mate viajem ne’ebé mai iha tenki termina ho nia finalidade,” dehan
Familia Matebian Abel do Santos agradese tanba Estadu atende matebian sei moris até to’o mate nafatin akompañia to’o familia simu fali nia isin mate
“Iha fulan hitu (7) ba kotuk ita hamriik iha fatin ida ne’e ho mata ben no ohin ita hamriik iha ne’e nafatin ho mataben despedida ida ne’ebe ita labele hasoru malu tan,”
Matebian Francisco da Costa Goncalves, Moris iha Municipiu Liquica Postu Administrativu Maubara, iha loron 14 fulan Marsu 1989, Oan husi aman Tomas Melo no Inan Helena Goncalves.
Matebian oan ne’ebé mesak (anak tunggal), matebian remata nia Eskola Sekundaria iha eskola Publica 04 de Setembro, iha Tinan 2010. Matebian Francisco da Costa Goncalves, hahú kursus lian Korea ba programa EPS iha Tinan 2022. Matebian passa husi Ezame PBT (Paper Basic hodi registu ba sistema SPA iha tinan 2022.
Matebian hetan kontratu husi Kompania Harry yangmanjang iha tinan 2023, hodi servisu iha Nasaun Korea du Sul iha area Pescas, matebian foin servisu halo fulan (7), hodi hetan acidente.
Iha loron 17 fulan setembro simu telefone husi embaixadór Timor-Leste ne’ebé iha Korea do Sul, por volta oras 09:35 otl, katak matetebian Francisco da Costa Goncalves, hetan acidente iha provincial Gochang hodi hotu i’is
Ohin, Guvernu Timor Leste liu husi SEFOPE entrega ona Matebean Francisco da Costa Gonçalves nia mate isin ba família iha aeroportu Internasional Nicolau Lobato Comoro iha Oras Dader
Jornalista: Ermelinda Soares