Matenek Ne’e Serví Ema ! Bispu Leandro : João Bosco Hatudu Matenek Nia Hun

SAPNewsTL, Lautem: Parokia Lospalos hala’o missa solenidade ba festa São João Bosco Bispo Dioseze Baucau Dom Leandro Maria Alves hateten São João Bosco hatudu matenek nia hun lolos ba ema no fo sasin kona ba maromak.

“Ohin ita halibur iha fatin ida ne’e hodi selebra solenidade fundador da sosiedade salesiana das Filhas de Maria Auxiliadora e dos Coperadores São João Bosco, ita hotu kuñese semak São João Bosco ne’e”. Dehan Bispo Dioseze Baucau Dom Leandro Maria Alves liu husi nia homilia iha missa solenidade fundador salesianu São João Bosco iha Parokia Lospalos, Kuara-Feira, 31/01/2024

Bispo Dioseze Baucau ne’e hatutan São João Bosco hatudu mai ita kona-ba ba matenek nia hun katak matenek nia hun lolos mak maromak no fo sasin kona-ba ba maromak ne’e rasik.

“Matenek ne’e nia hun mak Maromak, São João Bosco hatudu mai ita kona-ba matenek ne’e nia hun i Nia fo sasin duni kona-ba maromak ida ne’e rasik, matenek mai husi maromak matenek ne’e hela nanis kedas ho Na’i maromak”. Tenik Bispo Dom Leandro

Bispo Dom Leandro aumenta Dom Bosco hetan matenek atu halibur foinsa’e sira hodi hahi maromak ne’ebe nu’udar matenek nia hun.

“São João Bosco hetan matenek atu halibur foinsa’e sira dada foinsa’e sira ba hotu Nia la’os para atu hahi Nia maibe atu hahi Nai Maromak atu hamutuk ho Nia hahi maromak ida ne’ebe mak matenek ne’e ninia hun”. Bispo Leandro salienta

Bispo Leandro informa matenek ne’e la’os mai husi ema maibe husi maromak tanba ne’e keta loko an ho matenek ne’ebe iha tan matenek nu’udar grasa ida husi maromak.

“Labele loko an ho matenek ne’ebe mak ita iha tan matenek ne’e la mai puramente husi ita nia an rasik maibe matenek ne’e mai husi maromak ne’e katak matenek ne’e grasa ida husi Na’i maromak signifika maromak mak haraik grasa matenek ne’e mai ita”. Dom Leandro hato’o

Dom Leandro haklean matenek ne’ebe maromak haraik ne’e atu servi maromak nia maluk sira.

“Matenek ne’ebe maromak haraik mai ita ne’e la’os ita uza atu hetan hahii ba ita nia an maibe ka loko an lae maibe maromak haraik matenek ne’e atu uza hodi servi maluk sira hahalok ida ne’e mak ita haree iha São João Bosco”. Leandro fundamenta

Jornalista: Luis Pailofo