MEJD & UNICEF  Lansa KVOP Ba Jestaun Dezastre Natural Edukasaun

SAPNewsTL, Dili: Ministeriu  Edukasaun Juventude no Desportu (MEJD) no UNICEF halo abertura ba Kolokui  Validasaun Opsaun Politika (KVOP) ba jestaun dezastre natural ba edukasaun  iha Timor Leste

“Ohin ita abertura ba Kolokui  Validasaun Opsaun Politika Ba jestaun dezastre  ba setor edukasaun  iha Timor Leste,  tinan- tinan sempre afetadu ba dezastre natural  dala barak ita nia orsamentu ne’e tau hanesan situasaun normal maibe  ita la preve tanba  dezastre natural akontese  iha kualker momentu”, dehan MEJD Armindo Maia ba jornalista sira iha Timor Plaza Comoro, Dili segunda (30/01/2033).

Ministru hatutan, iha 2021  abril  mosu dezastre natural   seriu tebes  fo  impaktu ba  ministeriu edukasaun tanba eskola barak hetan estraga,   foin dadauk iha  fulan  janeiru nia laran  udan ho nin boot  eskola hamutuk 20 resin hetan estraga mos,   orsamentu  ezekusaun iha fulan janeiru mos seidauk la’o,  prezisa husu ba  parseiru sira  UNICEF ho PLAN  para atu ajuda  ho kolokiu ida ne’e importante tebes  atu defini politika ne’ebe partisipa husi eskola kuaze  20 iha munisipiu Viqueque, Aileu, Ainaru  Bobonaru no Covalima.

 Iha fatin hanesan Reprezentante UNICEF  Bill Durrani haktuir, partikularmente haksolok hodi hola parte iha kolokiu validasaun kona-ba projetu dokumentasaun opsaun sira ba jestaun risku relasiona ho tratamentu emerjensia ba setor edukasaun iha Timor-Leste, dokumentu ba opsaun sira  dezenvolve ona durante fulan hirak liu ba halo ona revizaun no diskusaun husi espesialista no professional barak iha Timor-Leste

Nia haktuir Kolokiu ohin loron ne’e, fornese mai  oportunidade bo’ot hodi kritikamente hare’e ba opsaun disponivel sira, aprofunda diskusaun balun, analiza detallu sira,  governu Timor-Leste liu husi MEJD no parseiru edukasaun sira hotu asaun konkreta sira no opsaun sira atu garante impaktu minimu husi dezastre sira ba setor edukasaun, no labarik sira-nia aprendizajen.

Nia akresenta, kolokiu ne’e mosu iha momentu kritiku ida ba mundu no estudante sira iha Timor-Leste atu  hamutuk, ajuda reimajina mundu ida diak liu, ba sistema edukasaun sira no opsaun aprendizajen ba labarik sira iha pais ne’e, dezastre bele mosu husi forma oi-oin  dezastre natural ka provokadu husi ema iha tinan hirak liu, anin bo’ot no inundasaun mosu estraga eskola sira no disturba aprendizajen ho grau ki’ik maibe tenki halo  asaun  hodi hatan  no redusaun impaktu husi dezastre natural sira

UNICEF  ho Plan International ba munisipiu haat, maske jestaun risku dezastre labele impede desastre ne’e atu mosu, hanesan estrutura nesesaria sira atu reduz sira nia impaktu sira, hatene kona-ba nia fator kauzal sira, planu jestaun risku ida solidu bele ajuda salva vida, minimiza paniku, proteje rekursu sira (ekipamentu, infra-estrutura) no garante katak eskola sira halao fali operasaun normal sira ho lalais hafoin dezastre  ida.

“Ha’u agradese ba Diresaun Nasional ba Asaun Sosial no Saneamentu,  ba  MEJD , funsionariu UNICEF no Plan International,  no parseiru sira hotu ba ita bo’ot sira-nia kontribuisaun ba esbosu dokumentu opsaun sira ne’e, UNICEF nia kompromisu ba kontinuasaun apoiu MEJD  no parseiru sira hotu atu reimajina futuru ida diak liu ba labarik sira iha Timor-Leste, atu ne’e sira bele goza sira nia direitu hotu ba edukasaun iha ambiente seguru no prosperu”, tenik reprezentante UNICEF

Jornalista : Ermelinda Soares