Bainhira Portugal Joga, Adetus Rihun Ba Rihun Entuziasmu Hodi Haree
Imajem : Adeptus akompanha jogu entre Portugal no RD Congo. Dili,18/06/2026. Foto : SAPNews
SAPNewsTL, Dili – Timoroan atus ba atus mak halibur-an iha Mandarin, Dili, iha quinta-feira atu akompanha jogu prestijiuzu Kopa Mundial FIFA 2026 entre Selesaun Nasionál Portugal no Selesaun Nasionál Repúblika Demokrátika Congo (RD Congo).
Atmosfera iha fatin akompañamentu nakonu ho entusiasmo, ho adeptu sira husi ekipa rua ne’ebé kontinua fó apoiu ba sira-nia seleksaun durante partida ne’e.
Portugal hahú partida ho intensidade aas no konsege loke skor iha minutu 6 liuhosi João Neves. Maibé, RD Congo hatudu reziliénsia no konsege halo impata rezultadu iha tempu akrésimu primeira parte, liuhosi Yoane Wissa iha minutu 45+5.
To’o intervalu, rezultadu nafatin 1-1, ho ekipa rua ne’e kontinua buka vitoria importante ida iha kampaña Kopa Mundial 2026.
Adepta timoroan sira ne’ebé marka prezensa iha Mandarin hatudu interese boot ba kompetisaun mundial ne’e, liuliu tan Portugal ne’ebé lidera husi kapitán veteranu Cristiano Ronaldo.
Hafoin jogu, Cristiano Ronaldo liu hosi nia pagina ofisial haktuir rezultadu ne’e la’os ida ne’ebe ekipa espera maibe jogu seidauk remata, tanba ne’e kontinua prepara ba jogu tuir mai.
“La’ós inisiu ne’ebé ita hakarak, maibé ida-ne’e seidauk remata. Foti ulun nafatin no foku ba jogu tuirmai. (Não era o arranque que queríamos, mas isto está longe de ter acabado. Cabeça levantada e foco no próximo jogo)”.
Rezultadu ne’e hatudu ekipa hosi selesaun nasionál rua fahe pontu, nune’e Portugal rejista pontu ida no Repúblika Demokrátika Congo hetan pontu ida.
