Maktoban Dom Basilio Define : “Belun, Doben & Kolega” Ba Akólitu Sira

SAPNewsTL, Viqueque : Tinan-tinan sempre halo festa boot ba Santu Tarcísiu iha nivel Mundial, iha Tinan 2020, loron 25-27 Fulan Agusto Akólitos Diocese Baucau realiza Kongressu Nasionál iha Quaze Paroquia Uatucarbau iha ne’ebe halibur ema liu atus ualu (800) hodi hanorin sira reza, aprende no haksolok  

“ Amigo de Cristo na sua Missão Evagelizadora”.

Iha tinan 2020 fulan Agusto, Akolitos sira husi Vigarária Foránea Baucau, Lautém, Manatuto no Viqueque ho total 24 Quaze Paroquia no Paroquia sira Halibur Hamutuk Durante loron tolu (25-27/08/2020) iha Quaze Paroquia Uatucarbau hodi Aprende, Reza, haksolok no Refleta kona ba sira ninia misaun, obrigasaun no responsabilidade nu’udar Akólitos iha mundu bazeia ba Tema Kongressu Akolitos Kada Tinan.

Ba Aprende Saida ? Aprende kona ba Hahalok diak Jesus kristu nian, dedikasaun no attitude Santu Tarcísio nian no hahalok sira eskolante kristu jesus nian, Akolitos sira ba hamutuk “aprende no aprende para hatene, aprende no aprende para hatudu no aprende no aprende para servi nia maluk sira no na’i  maromak”. 

Aprende lee biblia, haklaken evanjellu, hatudu ezemplu diak, hatene koalia iha públiku, rona ema seluk, hakraik an no hadomi ema seluk iha relasaun familiar, komunitária no Igreja.

Sai Akólito ne’ebe badinas Reza, Hamulak, harohan, hasa’e agradese no  fo buat hotu ba maromak, iha palavra Latinu ida dehan nune’e “ Ora et Labora” ka iha lian Indonésia hateten “Doa dan Melakukanlah”, Dimana ada doa, disitu pasti ada jawaban”, katak harohan no halo, orasaun hotu-hotu ne’ebe ita halo maromak sempre fo resposta. Fraze sira ne’e mak motivasaun ba akolitu sira que bele reza beibeik nakonu ho fiel, esperansa no koragem.

Akólitos haksolok wainhira hasoru malu, haksolok wainhira servi maromak, haksolok wainhira aprende ba malu, reza  no refleksaun ba sira nia moris nu’udar akólitos ida. Iha livru Politika ida hakerek husi filosofu Aristoteles ema matenek nain ida koñesidu iha nia nivel mundial, livru boot refere Aristoteles konklui ho Liafuan ida deit “ Happy, Felicidade humana ka Haksolok”. Signifika wainhira ita haree husi étika koalia kona ba felisidade individual, kada ema ida halo buat ruma ninia finalidade últimu mak atu hetan ksolok ba nia an.

Iha Amu Papa Francisco nia palavra ida mos hatete nune’e “os rios não bebem sua própria água, as árvores não comem seus próprios frutos, o sol não brilha para si memso, as flores não espalha sofragáncia para cima, a vida é boa, quando voçê esta feliz, viver para os outros é uma regra da natureza” katak mota sei la hemu rasik nia bee, aihoris sei la fo Fuan ba nia an, Loron sei la fo naroman rasik ba nia an, , aifunan sei la lekar nia morin ba nia an, moris ne’e diak wainhira o kontente maibe moris ne’e diak liu wainhira ema seluk kontente tanba Ó, moris ne’e ba ema seluk ne’e regra ida husi natureza.

Nune’e mós Akólitos nia ezistensia fundamental ida  mak lori ksolok ba an no ba ema seluk atravez de liafuan, atetude, ábito, maneira no valor sira ne’ebe sira halo ho sentidu fraternal, amor no auxiliar.

Misa ne’e derije husi Amo Bispu Diocese de Baucau Dom Basilio do Nacimento, iha Omilia Bispu hateten “ Amigo de Cristo na sua Missão Evagelizadora” katak belun jesus kristu nian iha hahalok  evajelizasaun, ohin oan doben sira ita hotu halibur hamutuk iha Uatucarbau ita kontinua deit jesus nia liafuan ba eskolante sira bainhira nia sa’e tiha ba lalehan iha  Saun Paulo no Markus  dehan hanesan ne’e     “ imi ba mundu tomak haklaken hau nia liafuan, halo ema sai ha’u nia eskolante, sarani sira hodi padre, fillu, no espiritu santu sira naran amen”.

Alin akolito sira, belun, doben no kolega liafuan tolu ne’e la hanesan “ belun ne’e katak ha’u halo buat hotu-hotu atu labele halo nia trizte, buat ne’ebe nia hakarak ne’e lalika nia husu mak ha’u fo, maibe sim buat ne’ebe halo ne’e tanba monu ba nia laran, nia interese no nia diak hau halo, enkuantu wainhira nia kontenti ha’u mos kontenti. Kolega ne’e pertense ba servisu hamutuk, organizasaun hamutuk, halimar hamutuk maibe laiha amizade ida-idak halo ninian. Doben ne’e dehan katak ema nain rua ne’ebe ida deit, prepara malu atu hola malu ka forma uma kain mas bele mos la hola malu quandu hakarak koko malu deit, “imi akolito bele doben bá, mais tenki tuir jesus nia hakarak”.

Eskolante nain sanulu resin-rua, apostolus sanulu resin-ida mak sai jesus ninia doben no amigo ba jesus maibe Judas amigu ho kolega deit, tanba doben nia la hadomi jesus, enkuanto sira sai jesus nia doben bainhira sira hatan pronto mate ba jesus kristu hafoin sira komprende didiak se mak jesus.

Imi akolitu sira amigo jesus iha asaun evanjelizasaun, biar imi responsabilidade seidauk boot maibe ho imi nia hahalok, kompriensaun no ministériu ka servisu ne’ebe ita boot sira halo iha altar ne’e imi tenki hato’o ita nain jesus nia naran, hanourin no hahalok ba ema seluk, atu sai amigo lolos jesus kristu nian ne’e imi tenki reza, la halo sala iha nia vida, buka moris nafatin ho klamar moos, hakaas an atu la monu ba tentasaun biar hanesan ema. Tenik Bispu Dom Basilio iha Omilia (27/08/2020).

Maun alin sira, imi maromak fihir ona nu’udar ema santu no doben, imi sei laran luak, laran maus, haraik an no pasiensia ba malu, imi sei terus ba malu, perdua malu bainhira imi ida iha lia hasoru nia maluk. Bispu salienta ho jesus nia liafuan ba akolito sira“ imi sei sai hau belun, imi tuir karik ha’u nia ukun”.

Amu Bispu hatutan husi saun Paulo nia liafuan katak“1. Imi labele simu mundu ida ne’e nune’e deit, 2. imi buka hatene maromak nia hakarak  mak ida ne’ebe, 3. imi hafoun imi nia kakutak mak imi sei hafoun imi nia klamar no 4. Imi hasa’e imi nia an hanesan balada ne’ebe monu ba maromak nia laran”. Ha’u  husu imi atu reflekta didiak buat haat ne’e katak tansa saun Paulo hakerek liafuan ne’e, TPC ba imi formador sira.dehan nia animador sira.

Joven akolitos sira imi tenki hakribit no liberta an husi sala ulun boot hitu ne’e maka :“ loko an, karakten, sala fo’er, hirus ten, lanu ten, laran moras no baruk ten”. Bainhira imi nia kakutak moos no matenek, imi nia fiar mos metin, bainhira o sabraut matan dook ida mai, imi sei monu, ema mai lolo osan, fo buat oioin imi monu no imi sei falla iha imi nia vida. Imi tenki hasa’e an ba maromak hanesan buat ne’ebe moos, puro no santu atu maromak haraik grasa ba mundu.

 Santu Tarcisu tanba sai ona doben jesus nian, nia oferese an servi to’o mate. Ohin imi tenki banati tuir Santu Tarcisio no nia mak imi akolitos sira nia ezemplu. Tenik Bispu Dom Basilio molok remata nia omilia iha loron 27/08/2020 iha Uatucarbau.

Enkuantu, Tuir Observasaun nota katak Kongressu Akólitos Diocese ida ne’e, hetan Partisipasaun maksimu husi Akólitos  Diocese de Baucau, iha ne’ebe la’o iha ambiente ida haksolok, damen no Refleksivu ba Akólitos sira, iha fatin hanesan Akolitos Kuaze Parokia Uatukarbau mos fo agradese ba Santu Tarcisiu tanba bele hamutuk ho sira durante loron 365 iha ne’e. maske nune’e, maibe Akólitos Uatukarbau tenki hamonu matan-ween molok entrega hikas ba Akólitos Parokia Nossa Senhora Ranha dos Apostolus de Luro. Uatukarbau, 27/08/2020.

Jornalista : Luis Pailofo