MKADR Sei Foku Ba Kriasaun Kampu Servisu Iha Baze
SAPNewsTL, Dili: Hafoin Hala’o Reuniaun ho Embaixador Korea Kim Jeong, Vise Primeiru Ministru e Ministru Koordenador Assuntu Dezenvolvimentu Rural (VPM-MKADR) Mariano Assanami Sabino Lopes haktuir, MKADR sei haree orsamentu hodi hakiak Traballador iha area rural liliu oinsa hamenuz dezempregu no malnutrisaun
“Halo avaliasaun ba programa sira nune’e ita bele haree kada orsamentu tinan ida ne’e, ita bele hases kiak sira iha baze no bele hakiak trabalhador sira iha area rurais no bele hasa’e rendimentu iha rurais”.
“Ministro Kordenador Assunto Dezenvolvimentu rural iha responsabilidade atu oinsa mak bele selu independensia ida ne’ebé mak iha area rurais, sira bele senti katak suku no aldeia nu’udar nukleu prinsipal husi ita nia estrutura administrativu ne’ebe ki’ik liu, ita tenki hases sira husi kiak, malnutrisaun no laiha Serbisu”. Tenik VPM-MKADR Mariano Assanami Sabino iha Palasiu Guvernu, 20/07/2023
Governante ne’e akresenta, “Ita nia nasaun sei forte bainhira ita nia aldeia sira mos forte, Nune’e halo kordenasaun ho duadores sira no mos sei halo kordenasaun ho embassiador sira hotu ne’ebe mak fo apoio ba area rurais”. Nia hatete
Iha fatin Hánesan, Embaixador Korea Kim Jeong konta, Nasaun Korea sai país dezenvolvidu tanba Programa Semalundun ne’ebe foka ba Dezenvolvimentu Rural
“Korea sai nasaun dezenvolvidu tanba fator determinante ida mak projetu Semalundun ida ne’ebe mak foka liu ba area rural nian, investe hodi lori komunidade sira oinsa mak bele servisu husi kraik mai to’o leten, ami iha experiênsia hakarak atu mai partilha ho Timor Leste liliu ho Ministru Kordenador Assuntu Dezenvolvimentu Rural para oinsa bele reaplika fila fali iha TL.”, haktuir Embassiador Korea Kim Jeong
Enkuantu, iha Vizita ne’e Embaixador Korea Kim Jeong mos parabeniza Eng. Mariano Assanami Sabino ne’ebe hetan Konfiansa sai Vise Primeiru Ministru no Ministru Koordenador Assuntu Dezenvolvimentu Rural iha Periodu ida ne’e
Reportazen : Lidia Amaral & Celeste Sarmento