Truck Rua Soke Malu, Rezulta Ema Na’in 3 Mate & 3 Kanek Todan
SAPNewsTL, Dili : Ohin, Loron 21/07/2023, Meiudia Maiz ou Menuz Tuku 1 liu Minutu 40, Mosu Insidente ida Karreta Truck rua soke malu iha Area Manleu, Postu Administrativu Metinaru, Munisipiu Dili, asidente ne’e rezulta Sidadaun nain tolu (3) lakon vida no Nain tolu (3) kanek todan
Tuir Informasaun ne’ebé SAP News TL asesu iha Hospital Nasionàl Guido Valadares (HNGV) Bidau Dili Karreta Truck ne’ebe soke malu no baku Fila iha Metinaru ne’e rezulta Sidadaun Na’in 3 kanek Grave no nain 3 mate Ka lakon Vida tanba isin Lolon no ulun baku ba Asphaltu ne’ebe nahe ba estrada
Hafoin situasaun ne’e mosu, Ambulánsia to’o kedas iha fatin akontesimentu hodi Transporta Vítima sira hodi mai HNGV
Sidadaun Na’in tolu ne’ebe sofre kanek Grave ne’e hetan ona tratamentu iha HNGV tanba entre sira inan feton ida nia ain tohar no kanek todan
Sidadaun Mane Na’in 3 ne’ebe mate, agora Daudaun mate isin iha ona Mortuáriu Ospitál Nasionàl Guido Valadares Dili, entre sira nain ida husi Munisípiu Baukau no Nain 2 seluk husi Munisípiu Viqueque
Insidente ne’e akontese iha Area Manleu, Postu Administrativu Metinaru, Munisipiu Dili maiz ou Menuz Tuku 01:30 Meiudia.
Hafoin situasaun ne’e mosu, Komunidade sira ne’ebe hela besik iha área refere ba direita hodi Insidente ne’e inklui ajuda sira ne’ebe sofre iha asidente
Karreta Truck rua ne’é ida tula Sasan Loza husi Munisípiu Dili hodi lori ba Munisípiu, sasan sira ne’ebe truck ho marka 56-919 ne’e Mak Hánesan Foos, Supermie, Masi-midar, inklui bebeidas sira seluk
Jornalista: Marcela Mery da Costa