MOP Promete Orienta IGE Normaliza Infraestrutura Ne’ebe Hetan Estragus

SAPNewsTL,DILI- Ohin Membru Governu Da-9 hala’o sorumutu dahuluk iha palasiu governu, Hafoin sorumutu Ministériu Obras Públicas Samuel Marcal hateten katak informa ona ba parte obras publika no Intitutu de gestaun equipamentu(IGE), tun ba terenu hodi atualiza ponte no estrada ne’ebe mak kotu no loke dalan alternaliva ba komunidade.

“Por enquantu agora ita atualiza deit situasaun,horseik ha’u informa ba IGE sira hatun ona equipamentu ba munisipiu sira ne’e para atualiza situasaun” Dehan Ministru Obras Publica(MOP),Samuel Marcal ba Jornalista sira hafoin sorumutu, iha palasiu Governu, Tersa-feira(04/07/2023)

Ministriu ne’e haktuir katak nia orienta ona equipa sira hodi tun ba terenu no loke dalan alternativa ba komunidade sira atu bele asesu ho diak

“Equipa IGE ho obras publika tun ona ba Munisípiu hodi identifika Ponte sira ne’ebe mak kotu, sira buka hela fatin alternalitivu temporariamente hodi ita hanoin tau orsamentu hodi hadia fali ponte sira ne’ebe mak kotu”Dehan nia

Nia salienta, ponte sira ne’ebe mak kotu balun Karreta bele asesu, por enquantu sei loke dalan alternativa hotu maske dalan balun Karreta bele asesu

“Lospalos,Suai,Ainaru rai halai, mas ne’e hotu balun Karreta sei bele liu, balun Karreta Labele liu hanesan iha Same,ne’e ita Haruka Obras Públikas iha munisipiu ho IGE ba para halo dalan alternativu para bele asessu”Tenik nia

Entertantu, Munisipiu ne’ebe mak sofre ponte no estrada kotu maka hanesan Munisipiu Covalima Ponte Labarai, inklui Estrada Sira, Munisipiu Lautém Ponte Weru-Kodo, Estrada Sira, Munisipiu Manufahi, inklui sira seluk

Jornalista: Marcela Mery da Costa