Udan Boot Halo Komunidade Lautém Terus Demais
SAP News TL, Lautém: Hafoin Munisípiu Lautém akontese udan Boot Durante loron Tolu, Rezulta Ponte Weru-Kodo Kotu tanba Korrente Mota boot Demais To’o Sobu hotu ai-rin Ponte nian no Asphaltu estrada nian, Iha Sorin Seluk Mota Lori Estudante Na’in 4, Entre Sira Estudante ida seidauk hetan
Tuir Informasaun ne’ebé SAP News TL asesu iha terrenu nota katak durante loron tolu nia laran udan boot ne’ebe la fo espasu ba loron matan, to’o ohin Loraik dala ida tan Korrente Mota Sobu dala ida tan Ponte Weru-Kodo ne’ebe iha Fulan Maiu 2020.
Hafoin Ponte ne’e kotu, Implika Veíkulu Labele Ultrapassa Ka halo movimentasaun ba Lospalos no husi Lospalos mai Dili tanba mota sobu hotu ai-rin Ponte nian inklui Estrada nia Sorin balun
Iha Parte Selu, Mota mos lori Estudante Na’in 4 Feto ida Mane Tolu, ikus Mai Rezulta Mota Lori Lakon Estudante Mane ida ho Naran Joanico da Costa to’o agora seidauk hetan
Portant, Estudante Na’in Tolu sira Konsege salva an husi Korrente Mota ne’ebe boot hodi sai husi Mota ho Kondisaun Ne’ebe Diak,
Estudante Joanico da Costa ne’ebe Mota lor, Oras ne’e Daudaun ekipa APC, Komunidade no família sei Kontinua buka tuir tanba seidauk hetan
Situasaun ne’e halo Komunidade Lautém sai Sofre no terus liu tanba difikulta Komunidade Labele halo Viajem husi Munisípiu ba Dili, Estrada sira sai Aat, Atividade barak tenki sai paradu no Família ida iha Lereadu Suku Mahina II Postu Administrativu Lautém tenki Lakon Nia Oan ida tanba mota lori
Entretantu, Ohin Hafoin Partisipa iha Enkontru Dahuluk husi Konsellu Ministru, Ministériu Obras Públicas Samuel Mendonça haktuir Ministériu sei orienta Instituto Gestão de Equipamentos (IGE) hodi halo normalizasaun ba Estrada ne’ebe aat iha terrenu liu-liu iha Munisípiu Sira
Jornalista: Luis Pailofo