MS Sorumutu Hó Parseiru Sira, Implementa Programa Vasinasaun Ba Labarik Sira

SAPNewsTL, Dili : Ministeriu Saúde liu husi Diresaun Jeral ba Prestasaun Saúde halo enkontru stakeholder meeting hodi diskute planu sensibilizasaun ba komunidade ba aktividade kampaña Polio, MR, PCV, Vitamina A no Albendazone inklui intervensaun Dengue no Monkey Pox

 “Ohin hala’o enkontru ho parseiru no UN ajensia  no Direktores Ezekutivus, Diretores Nasionais ,Inspiktor Saúde sira atu ko’alia kona ba asuntu kampanha vasinasaun, introdusaun vasina  foun  PCV fahe  vitamina A, aimoruk Albendazone no mos  moras Monkey Pox ne’ebé mak sai mos  ameasa ida iha mundo global no preparasaun ba moras dengue tanba ita hatene katak udan besik ona atu tau rai entaun komisaun tenki  iha preparasaun  atu haree ba servisu sira ne’e”. Dehan Direktora Jeral Prestasaun Saúde Odete da Silva Viegas iha Palacio das Cinzas, Sexta-Feira, 26/08/2022.

Direktora ne’e aumenta sira sei enkontru tan ho parte sira hotu hodi sensibiliza informasaun ba implementasaun vasinasaun ba labarik sira.

“Ohin ne’e ita enkontru ho parseiru sira maibé semana oin mos ami sei planu atu enkontru ho Prezidenti  Autoridades Munisipiu, Administrdor Postu, Sosiedade Sivil, Igreja no média sira atu bele disemina informasaun ne’e tanba ita tama iha kampaña vasinasaun iha fulan Outubro ba labarik sira liu liu tinan lima (5) mai kraik no informasaun  hirak ne’e  ita tenki  fo sai ona i informasaun  sira ne’e ita nia populasaun ho  inan aman sira tenke komprende atu  sira mos bele servisu hamutuk  ho Ministeriu Saude atu bele implementa vasina ba labarik sira ne’ebé maka sei hala’o iha fulan Outubro”. Tenik Direktora.

Nia hatutan, agora  tama  hela iha estudos ne’ebe mak sira halo peskiza  no  hala’o duni iha Munisipiu Dili no iha fatin sira ne’ebé maka susuk moris ba no peskiza ne’e sei hala’o semana tolu.

“Ita hotu hatene katak  atu introduz intervensaun foun Albakia nia monu liu ba iha IDES ICT, ita iha IDES oin rua, ita haree katak iha investigasaun ne’ebé maka agora ekipa sira halo hela numeru  IDES  ICT ne’e mak bo’ot monu ba iha susuk IDES AIZEPTIS, entaun ita hein sira halo peskiza ida ne’e durante semana tolu agora foin halo semana ida atu tama ba semana rua, kuandu semana tolu ne’e konklui ita bele prudus programa foun Albakia iha ita nia rain kalae, agora ekipa nasional saude publika prepara ona planu  aktidade inklui kustus no rekursu sira ne’ebé maka atu implementa programa ida ne’e“. Nia informa

Entretantu, planu orsamentu ba  kampaña vasinasaun ida ne’e  por volta 2.7000 milloens, 1.7 haree ba iha futuru mai 1 mil maka sei ko’alia kona-ba  kustus operasionais maibé ida ne’e sei  diskuti  hela ho parseiru sira no parseiru sira mos sei apoiu finanseiru ba iha kampaña ida ne’e.

Jornalista: Pascoela da Conceição

Editor: Ekipa Editorial