Negosiante Balibo Preokupa Merkadu Klot ! Fa’an De’it Iha Dalan Ninin
SAPNewsTL, Bobonaro : Negosiante sira iha Merkadu Postu Administrativu Balibo preokupa espasu merkadu klok difikulta negosiante sira faan iha espasu ne’ebe la dignu tanba laiha bee no saneamentu, laiha uma ne’ebe sira bele hamahan an hodi halo negosiu
Negosiante Margarida Angelu husi Postu Administrativu Maliana ne’ebe faan iha Postu Administrativu Balibo ne’e preokupa tebes tanba sira faan deit iha dalan ninin hodi sofre rai rahun no susar ba bee moos
“Ami faan iha estrada ninin, ita nia bot sira mos bele haree ami merkadu mos kiik oan, halo ami negosiante sira fan sasan mos la dun barak tanba fatin klot liu, ami husu ba governo tenki hare hodi loke netik merkadu Balibo ho infraestrutura sira hanesan uma no bee moos”. Tenik Negosiante Margarida Angelu ba Jornalista sira iha Balibo, 16/10/2023
Margarida akresenta, fa’an nain sira iha merkadu Balibo fa’an deit iha dalan ninin, Karreta no Motor halai ba mai, kontribui rai rahun barak ba sira nia produtu ne’ebe sira fa’an, situasaun ne’e halo sira la sente seguru iha merkadu refere
“Ami fan iha estrada ninin, kareta motor halai ba mai ema mos bok an la diak”. Nia Informa
Nebe fan sasan iha merkadu balibo ne mai Husi maliana mk mai fan. Depois fan hotu fila ba maliana negosiante Hatete dader sasan sira Tuir bus mak mai fan iha merkadu balibo
Iha fatin hanesan, Xefe Suku Balibo Villa Anacleto da Silva rekunhese merkadu refere klot duni, Nune’e nia parte husu ba guvernu dasia hodi bele tama atensaun ba merkadu Balibo tanba Komunidade barak mak moris ho negosiu
“Ha’u mos haree katak merkadu ne’e klot tebes, Ha’u husu ba IX Governu bele dezenvolve Mercado Balibo tanba Merkadu klot halo negosiante ho vendedor sira mos la senti kontente”. Xefe Suku Balibo Villa Anacleto da Silva Hateten
Tuir Observasaun Jornalista SAPNewsTL iha Merkadu Balibo nota katak merkadu refere seidauk iha infraestrutura ne’ebe adekuadu falta bee no saneamentu, kondisaun merkadu lá sufisiente ba Negosiante sira inklui produtu sira ne’ebé komunidade faan belit ho rai rahun
Entretantu, Antes ne’e Ministru Komersiu no industria (MKI) Filipus Nino Pereira hateten Nonu Guvernu Konstitusional sei tau matan no hadia infraestrutura sira iha territóriu nasionál ho fazeadamente
Jornalista : Ermelinda Soares