Estudante UNPAZ ! Virginha : Ha’u Lakoi Lakon Oportunidade Ho Ema Baibain

SAPNewsTL, DILI– Difisiénsia fiziku la sai barreira ba sidadaun hotu hodi luta ba realiza ninia mehi liu husi Edukasaun formal tantu non formal, Ema ho Defisensia (EhD) Virginha Maia hateten laiha dalan seluk, so edukasaun mak dalan ba susesu.

“Lei fo dalan ema hotu iha direitu atu asessu ba edukasaun tanba ne’e nia lakohi lakon oportunidade hodi aprende no eskola, laiha dalan seluk, so edukasaun mak dalan ba susesu, liu husi edukasaun ita bele atinji Ita nia mehi”. Tenik Estudante Universidade da Paz (UNPAZ) Virginha Maia ba SAP News wainhira partisipa iha Semináriu ida iha Hotel Timor, 03/10/2023

Virginha Maia hanesan Feto ida ho kondisaun difisiensia Fisiku ne’ebe hala’o nia estudu iha eskolaUniversidade da Paz, Virginha deklara lakoi lakon nia oportunidade ho ema kondiasaun baibain sira tanba Ensino aprendisazem la hare ba rasa ou kondisaun maibe hare ba vontade no interesse ema ida-idak nian oinsa atu aprende

“Edukasaun la haree ba ema nia rasa no kondisaun, maibe haree ba ema nia vontade no interesse atu aprende, se mak la’o barak sei hatene barak, se lá la’o barak sei la hatene barak, se mak hakarak susesu tenki eskola, se hakarak sai matenek tenki estuda barak”. Nia dehan

Virginha hatutan, Semináriu ne’ebe nia tuir motiva tebes nia tanba moris ho kondisaun difisiensia fizika presiza duni hola parte iha Semináriu sira hodi bele aprende barak liu tan liliu kona ba justisa sosial no oinsa bele hatene ninia direitu sira

“Semináriu ne’e kona ba Feto iha kareira juridika: Dezafio no kontribuisaun sira haforsa feto no labarik feto sira iha setor justisa, Semináriu ne’e halo ha’u kontente loos tanba ha’u bele hato’o difikulidade durante ami Ema ho Difisensia Fisiku, matan, Tilun sira hasoru violensia Demostika no seksual”. Nia informa

Virginha Maia dehan, Nia parte dala barak hasoru diskriminasaun oioin tanba menuz kunhesimentu maibe liu husi semináriu sira bele ajuda nia hodi deskobre diskriminasaun sira

“Ami dala barak hola parte iha dikriminasaun sira tanba ami mak difisensia maibe mai nia hanoin no kakutak la difesensia, Ha’u kontente los tanba bele aumenta ha’u nia kapasidade no kunhesimentu hodi kontra diskriminasaun sira ba futuru”. Nia subliña

Virginha mos husu ema hotu liliu ema sira ne’ebe moris ho kondisaun fiziku diak atu bele hatene rekunhese direitu no dignidade ema ho defisiensia sira nian hodi labele diskrimina feto sira tanba ema hotu hanesan iha lei nia oin

Jornalista : Antonio Tilman