Nesesidade Familiar Obriga ! Professor Kontratadu Husu ME Hatama Iha Ingressu Espesial

SAPNewsTL, DILI- Professor kontratadu sira halo demonstrasaun hasoru Ministra Edukasaun (ME) tanba Ministra Dulce de Jesus haparan kontratu ne’ebe mak sira asina ho governu anterior ita tinan 2023.

Manorin kontratadu Amalia Rodriges Ximenes ne’ebe mak voluntariu desde tinan 2012 hanorin materia lingua english iha pre-sekundaria no sekundaria Heroi da Patria la satisfaz ho ministra edukasaun tanba durante tinan 10 ne’ebe rekonhese ona husi VIII governu ho nune’e asina ona kontratu maibe iha IX governu hapara ona husi ministra edukasaun.

“Tinan barak nia laran ami kontribui ho voluntariamente iha area edukasaun nian, no to’o ikus hetan ona konsiderasaun husi VIII governu no ami hetan ona kontratu iha fulan april tinan 2023 depois ami assina kontratu ho tinan ida(1), deit ministra dehan hapara ami nia kontratu”.Dehan professor Amalia Rodriges Ximenes ba jornalista sira sira edifisiu ministeriu edukasaun,villa-verde(16/01/2024)

Professora ne’e haktuir Impaktu husi hapara kontratu ne’e laos deit ba sira nia ann maibe ba nia familia hotu “ami ne’e laos mesak ami ho familia, ami nia oan professor balun faluk no ami mesak tau matan ba ami nia oan, nune’e bainhira hau nia kontratu ne’e hapara ne’e impaktu ba hau nia oan sira”.

“Hau hanorin iha tinan 2012 ate agora, nune’e ami nia ejijensia nu’udar profesores kotratadu ami husu ba ministra edukasaun no governu kompetente bele resolve ami nia problema ne’e,ami mos bele tama iha ingresu espesial atu nune’e ami bele kontinua hanorin, ami bele ajuda ami nia famila nia nesesidade.” Nia husu

Nia salienta katak la aseita ho hapara kontaradu ne’e tanba nia voluntariu durante tinan 10 ona, nune’e bainhira nia fila fali ba voluntariu nia sei la aseita.

“Durante tinan 10 nia laran ona mak hau voluntariu no governu rekonhese nune’e ami asina ona kontratu maibe mai iha IX governu ne’e ministra hapara ami, atu sai fali ba voluntariu tanba ne’e mak ami la aseita, hau lori materia english”nia hateten.

Enkuantu, ohin professor kontratadu sira ne’ebe hato’o sira nia ezijensia, halo ona ba loron rua iha edifisiu ministeriu edukasaun villa verde dili.

Antes ne’e, Ministra Esukasaun Dulce Maria de Jesus haktuir nia parte hapara kontratadu sira, hafoin ministeriu edukasaun no Komisaun Funsaun Públika sei halo fali rekrutamentu foun.

Jornalista : Dircia Baptista Belo