Papa Francisco Kontente To’o Iha Papua ! Hakarak Justisa & Damen Ba Povu

SAP News TL PNG – Sua Santidade Papa Francisco to’o ona Papua Nova Guiné (PNG) hori-kalan (06/09/2024), ohin dader to’o Uma Governador-Jeral Papua Nova Guiné.

Iha oportunidade ne’e Santu Padre kaer liman ho Governadór-Jerál Papua Nova Guiné nian, Sir Bob Bofeng Dadae, no asina Livru Honra nian iha Uma Governu nian iha Port Moresby.

Papa Francisco hakerek karta katak Santu Padre sente kontente hasoru povu Papu Nova Guine, hein povu PNG bele hetan naroman no forsa iha orasaun hodi la’o hamutuk hetan justisa no paz iha mundu inteiru.

“Kontente bele hasoru povu Papua Nova Guiné, ha’u espera sira hetan nafatin naroman no forsa iha orasaun hodi la’o hamutuk iha dalan justisa no dame nian.” Hakerek Santu Padre ba Povu iha PNG, 07/09/2024.

Iha biban ne’e, Papa Francisco mós fo bensa ba labarik feto ida no oferese prezente ida ba labarik feto ne’ebé hakbesik an ba nia.

Tuir ajenda Santu Padre sei kontinua iha Papua Nova Guiné to’o loron 9 Setembru, Hafoin kontinua mai Timor-Leste iha loron 9, maiz ou menuz tuku 2 loraik to’o iha Aeroportu Internasionál Nicolau Lobato Comoro Dili.

Jornalista : Marciana Da Conceição & Conzita Mota