PDC Promete Aselera Dezenvolvimentu Desentralizasaun, Dezenvolve Atauro Sai Sidade Foun
SAPNewsTL, Atauro:Partidu Demokrata Cristão (PDC), Sexta-feira ne’e realiza Komunikadu Imprensa iha Suku Maumeta Munisipiu Atauro, iha Komunikadu ne’e Presidente PDC Francisco de Araujo Haktuir Wainhira PDC hetan fiar husi povu, PDC sei tau prioridade ba Lei desentralizasaun ka poder lokal hodi Hakbesik Ukun no Finanseiru ba Munisipiu Atauro
Iha Fatin Hanesan, Prezidenti PDC Francisco de Araujo nee hateten,”PDC hakarak asegura no implementa polítika destralizasaun ka poder lokal ne’ebé iha ona lei durante tinan rua maibe to’o agora lei ne’e tau deit iha gabeta laran la aselera no implementa, karik povu husi Munisipiu Atauro fo konfiansa ba Partidu PDC sei aselera lei destralizasaun poder lokal hodi fo poder ba Munisipiu sira no fo mos finanseiru ba Munisipiu sira,”Hatete Presidente PDC Francisco de Araujo liu husi Komunikadu Imprensa iha Suku Maumeta, Munisipiu Atauro, 12/05/2023
Francisco akresenta, implementa polítika desentralizasaun Nune’e sira bele iha finanseiru rasik hodi jere Munisipiu Atauro ne’ebe haketak an ona husi Munisipiu Dili, tanba tuir PDC durante tinan barak ukun an ona Maibe Munisipiu Atauro nia dezenvolvimentu nunka la’o, entaun PDC Hakarak Aselera Desenvolvimentu iha Atauro
“PDC karik liu bareira sei aselera destlentralizasaun poder lokal iha Munisipiu Atauro hodi hadia Munisipiu Atauro sai mos sidade hanesan ho Munisipiu sira seluk tanba Atauro rai ne’ebé mak potensial maibe dezenvolvimentu mak lao la diak iha munisipiu Atauro,”Nia hatete
Iha Fatin hanesan, Koordinator Movimentu Nasional PDC Orlando Ximenes Sarmento hatutan, PDC mos sei tau prioridade ba hadia setor planeamentu urbanu no habitasaun, Nune’e ema hotu iha direira ba rai atu moris no hala’o vida moris lor-loron nian ho dignu. Investimentu iha sidade no kapital hodi reorganiza kapital Timor Leste tuir kresimentu populasaun
“PDC mai ho nia programa Hakarak atu dezenvolve setor Seguransa sosial, setor planeamentu urbana no habitasaun, kontinua tau matan ba veteranu sira libertasaun nasional, sira ne’ebe kbiit laek, ferik katuas, ema ho difisiente no hadia Kualidade moris sosiedade ne’ebé dignu ba ema hotu”. Tenik Koordenador Movimentu Nasionàl PDC Orlando Ximenes Sarmento , Iha Munisipiu Atauro, 12/05/2023
Entretantu, tuir Planu PDC antes atu halo dor to dor Maibé la Konsege, entaun Estrutura Nasionàl Deside halo deit komunikadu imprensa hodi transmite Programa no Polítika PDC ba Populasaun Sira liu husi Média Nasionàl Sira
Iha Komunikadu Imprensa ne’e, lá hetan Observasaun Nasionàl no internasional Sira, inklui Polísia Munisipiu Atauro, Tuir Planu Aban PDC laiha atividade Kampanha tanba sei fila Husi Munisipiu
Jornalista: Lidia Amaral