PDC Promete Dezenvolve Atauro Sai Zona Espesiál Ba Turizmu

SAPNewsTL, Atauro: Partidu Demokrata Cristão (PDC) Realiza mini kampanha iha Suku Makili Munisipiu Atauro, iha okaziaun ne’e Presidente PDC Francisco de Araujo Promete, wainhira PDC hetan fiar husi Povu maka sei tau prioridade Setor Turismu, proteje enviromentu, apoia inisiativa ba joventude inisiativa sira iha area agrikultura no ambiental

“PDC mai ho programa desenvolve setor Turismu, proteje meiu ambiente, implementa politika zero plastiku no poluisaun iha territóriu laran tomak, konserva no proteje zona publiku hodi diversifika flora no fauna inklui animal tasi,Protesaun ba ai-horis sira iha foto leten, rai tetuk no tasi ninin hodi fo protesaun ba foh, mota no tasi ninin, suporta inisiativa ba joventude nian ba produsaun ai horis, agrofloresta no servisu protesaun ambiental iha kada suku no aldeia sira,”Dehan Prezidenti PDC Frascisco De Araurjo ba jornalista sira iha Suku Makili Munisipiu Atauro, Quinta feira 11/05/2023

Presidente PDC ne’e hatutan, “PDC hakarak assegura prosesu no dezenvolvimentu ba jestaun lixu iha Timor Leste. investe mos orsamentu estadu ba dezenvolvimentu setor turismu, PDC sei dezenvolve Munisipiu Atauro hanesan zona espesial ba fatin turismu rejistensia, turismu komunitariu, relijioza, kultura, naturalhanesan foho, tasi laran no tasi ninin, inklui hadia fasilidade saneamentu públiku tanba Atauro kuda ona istoria iha tempu portugues to’o ohin loron”, Francisco Promete

PDC mos hakarak, Insentiva inisiativa joventude sira ne’ebe hakarak promove sira nia kreatividade hodi dezenvolve fatin turismu komunitaria iha Munisipiu Atauro, asegura seguransa seguru iha fatin turistika hotu iha Atauro no promove ambiente saudavel, hadia infraestrutura iha Munisipiu Atauro tanba estrada seidauk diak no susar ba sira atu hetan bee mos no transporte públiku sira.

Enterrantu, mini kampanha ne’e Realiza iha Suku Makili Munisipiu Atauro, iha ne’ebe hetan partisipasaun masimu husi militante no simpatizante sira, observa husi observador CNE no hetan seguransa husi PNTL, enuantu aban PDC sei realiza aktividade dor to dor iha Suku Beloi Munisipiu Atauro.

Jornalista : Lidia Amaral