Pe. Bernardo Konsidera Ema Barak Adora Maromak Falsu
WordPress database error: [Disk full (/home/mysqltmp/#sql-temptable-339046-58f096-8c086.MAI); waiting for someone to free some space... (errno: 28 "No space left on device")]SHOW FULL COLUMNS FROM `san8_postmeta`
WordPress database error: [Disk full (/home/mysqltmp/#sql-temptable-339046-58f096-8c087.MAI); waiting for someone to free some space... (errno: 28 "No space left on device")]SHOW FULL COLUMNS FROM `san8_postmeta`
Imajem : Administrador Parokia Sagradu Korasaun de Jesus (SAKROJES) Bekora, Pe. Bernardo Paiva, Dili, 30/03/2024. Foto : Sergio Alves da Costa
SAPNewsTL, Dili : Iha ambitu misa vizilia paskal, Administrador Parokia Sagradu Korasaun de Jesus (SAKROJES) Bernardo Paiva hateten dala barak ema la adora maromak hodi adora fali maromak falsu.
Padre Bernardo Paiva dehan, povu Israel ne’ebe ulun to’os, dala barak sira la rona no la fiar fali na’i Maromak, dala barak sira adora fali na’i Maromak falsu.
“Povu Israel ne’ebe ulun to’os, dala barak sira la fiar no la adora Na’i Maromak, dala barak sira adora fali maromak falsu, nune’e Maromak bolu nafatin sira liu husi profeta sira no Maromak hatudu nia domin ba nia emar sira hodi fila ba Maromak”.Tenik Pe. Bernardo Paiva liu husi omilia iha Igreja SAKROJES Bekora, 30/03/2024
Padre Bernardo hatutan, wainhira sira haklaken Maromak nia liafuan ba mundu, povu Israel barak la fiar no la rona kona ba Maromak.
“Wainhira profeta sira haklaken kona ba Maromak, povu Israel sira la fiar no la rona, maske nune’e, maibe Jesus kontinua ba dere sira nia odamatan no tuku sira nia fuan hodi dehan ‘Ha’u mak imi nia Maromak, ha’u mak ne’e’, keta halo tuir sira nia hakarak deit, maibe halo tuir ha’u nia liafuan sira, tanba liafuan ne’ebe Jesus ko’alia liafuan ne’e moris”.
Tanba Na’i Maromak hadomi ema hotu iha mundu rai-klaran, Na’i Maromak haruka nia oan mane Jesus Kristu mai hodi salva ema hotu-hotu ho ninia isin no ran, terus no mate.
“Tanba Maromak hadomi mundu, Maromak haruka oan mane Jesus Kristu mai mundu hodi salva ema hotu-hotu ho ninia isin no ran, ida ne’e duni mak mistériu paskoa ninian, kalan ne’e lori ksolok no salvasaun mai ita hotu”.Nia dehan
Iha ambitu festa paskoa ne’e, ema ida-idak presiza hakaas an hodi sai lilin ida iha familia no lori naroman ba sosiedade, hakaas an moris tuir Maromak nia liafuan iha fatin hotu hotu.
“Festa paskoa ne’e mai ita hakaas an sai lilin no naroman ba familia, buka rona maromak futar liafuan hodi moris tuir nia hakarak sira, ita tenki kuidadu an no la monu beibeik ba sala, hametin liu tan ita nia an ho grasa Maromak nian no hamos an husi salan sira hotu”. Nia salienta
Jornalista : Ekipa Kobertura