PITL Selebra Loron Internasional Ba Labarik, Cidalia: Labarik Tenki Moris Livre no Hakmatek
SAPNEWSTL-Plan Internasional Timor-Leste selebra loron internasional ba labarik sira hamutuk ho komunidade, alunus no prefessores sira iha Eskola Baziku Fillial Fomentu, Embaixadora Plan Internasional Timor-Leste Cidalia Lopes Nobre Muzinho Guteres hateten labarik sira tenki livre ona husi violasaun saida deit, moris livre no hakmatek.
Tuir Embaixadora Timor-Leste Cidalia Lopes Nobre Muzinho Guteres Hateten iha tinan ida ba kotuk nu’udar hanesan embaixadora fo programa ida mak Tatoli Ba Cidalia, nune’e alin feto sira bele hato’o sira nia problema iha Munisipiu Ainaro, Aileu, no Dili
“Ami hahu programa ida Tatoli Ba Cidalia servisu hamutuk ho Fundasaun Patria sira halo peskiza ida ba to’o ita nia alin feto sira ne’ebe maka isin rua ona no iha ona bebe barak liu ho idade ne’ebe sei ki’ik iha idade 13 no 14, Entaun kauza ida maka ekonomia familia nian la to’o para sira atu kontinua, tanba sira rasik hakarak eskola, Ha’u kuandu husu sira dehan ami hakarak eskola maibe alin barak liu ne’ebe osan la to’o, ida mak Apa ho ama kolia ona prontu atu kaben ho tuananga sira, ita haree katak distansia eskola nian dok halo labarik sira bele kontribui hotu problema ida mak falta koinesementu liuliu saude reprudutivu. Dehan Cidalia ba Jornalista sira iha eskola Baziku Filial Fomentu Dili, kuarta(01/06)2022)
Embaixadora Cidalia akresenta labarik barak ladun hatene kona ba saude reprudutivu, dala ruma sira foti desizaun sala entaun hakfodak isin rua tiha ona dalan mak Abortus no soe bebe tanba isin rua ne’ebe la planeadu buat sira ne’e hotu maka ema hotu hamutuk atu nune’e fahe nafatin informasaun no halo sensibilizasaun, sosializasaun ba alin sira feto no mane, labarik no foinsa’e sira hotu.
“Ha’u kuandu ba vizita uma mahon iha labarik sira menoridade mos isin rua ne’e tanba kauza husi insestu balu aman ki’ik sira mak halo, balu padrastu mak halo no balu familia duni mak halo asaun ida ne’e labarik feto sira ha’u ko’alia no hasoru sira tristi tebes, espera katak parlamentu bele aprova lalais lei ida protesaun ba labarik no joven sira iha perigu nia laran, Se ita kolia kona ba diretu ema nian laos deit ema ne’ebe maka moris diak deit, maibe sira ne’ebe lian laek no balun nonok hela terus lakoi kolia sai sira mos bele senti katak diretu ne’eba sira hotu atu nune’e bele la’o livre no moris hakmatek”. Nia informa
Iha fatin hanesan, Diretor Eskola Antonio Pereira Ximenes hateten iha kalendariu Edukasaun mos marka lolos kedan katak ohin Dia 1 de Junhu ne’e Loron internasional ba labarik sira hotu la’os deit iha Timor-Leste deit maibe mundu tomak.
“Ita hotu hatene katak iha konvensaun diretus ba labarik internasional UNICEF nian, labarik ida tenki iha direitu atu hetan identidade naran iha mos direito atu asesu ba Edukasaun, Ami selebra iha eskola entaun ami foka liu ba iha area edukasaun nian espera katak loron importante ida ne’e ema hotu-hotu liuliu Timor laran tomak iha ona konhesementu diak kona ba direitu ba labarik sira״. Tenik nia
Direktor ne’e afirma katak, ho komemorasaun iha eskola ida ne’e hatudu mai ita hotu katak direitu ba labarik importante tebes atu ema hotu hamutuk luta no proteze labarik sira liuliu ema ruma ne’ebe hakarak halo violasaun xesual ba labarik sira, ema hotu iha dever tomak iha obrigasaun tomak atu proteze sira livre husi violénsia ho forma saida deit iha sosiedade.
Enkuantu iha selebrasaun ida ne’e hetan Partisipa husi Diretora Plan Internasional Fatima Soares, Embaixadora Plan Internasional Timor-Leste, Alunus sira, Professores no komunidade sira.
Jornalista :Justino de Jesus Soriano
Editor : Natalino Paulo da Silva