PM Xanana Husu Estudante Labele Involve An Iha Arte Marsiais

SAPNewsTL, DILI– Primeiru Ministru(PM),Kay Rala Xanana Gusmão husu ba estudante sira hodi labele tuir organizasaun arte marsiais

PM husu ba estudante kiik oan sira labele inklina ann iha arte marsiais “Imi bolu ha’u saida ? se imi bolu hau Avô nana nu’udar imi nia avo proividu ba imi labele tama arte marsiais, professor sira iha fatin balun por ezemplu nia inklina an iha arte marsial Persaudraan Setia Hati Terate ka 22 , labarik sira ba maka sira laos 22 sira la tama eskola”.

PM Xanana husu manorin fo no tau atensaun ba nia oan sira labele inklina ann iha arte marsiais hodi halo krime

“Professor sira tenki toma atensaun masimu ba ba ita nia oan ka estudante sira labele tama arte marsiais hodi estraga an, oho malu la respeita liu familia, aman bele oho oan, maun bele oho alin ida ne’e sai problema komun Sosiedade nia let, moris iha rai ne’e kontinua ba dalan los no dalan diak”Dehan Primeiru Ministru Kay Rala Xanana Gusmão hafoin halo vijitasaun ho estudante iha salaun G7+,Segunda-feira(27/08/2023)

Aman nasaun Informa ba estudante sira katak “Ha’u lakoi imi atu tama arte marsiais tamba organizasaun PSHT origen mai husi nasaun vizinu Indonesia Timor oan sira ultrapasa ba sa’e sintu iha Indonesia sira la obedese ba lei ne’ebe vigor iha ita nia nasaun”.

“Sira la’o husi dalan klot deit, hafoin to’o iha Indonesia Timor oan sira halo komprimisiu ba bandeira mera putih, sira la hanoin katak uluk ita nia inan aman sira terus tebe tebes hodi liberta Timor-Leste nia Independensia”.

Nia salinta katak hirak ne’ebe mak inklina ann iha arte marsiais la respeita bandeira nasional tanba sira ba jura iha bandeira merah putih.

“Depois sira la respeitu ita nia bandeira ba halo fali komprimisiu ba ema ne’ebe uluk tortura ita funu hasoru ita sira jura ba bandeira mera putih iha Madiun, atambua, no kefa, hanorin la diak iha familia nia let, oho malu entre maun ho alin primos irmaun, ita la respeita doutrina religiaun katolika nian, la valoriza valores kulturais maibe ita estraga unidade familia nian”. Xanana haktuir

Governante ne’e rekomenda ba labarik sira atu hatutan mensajen ne’ebe nia husik hela iha palasiu governu Dili ba labarik sira seluk ne’ebe ohin la marka prezensa iha ambitu preparasaun ba loron proklamasaun Independensia.

Primeiru Ministeiru hatutan Timor-Leste so iha deit arte rua ne’ebe kapas tebe tebes sira hatudu duni rezimentu interna katak arte marsiais laos kria atu oho malu insulta ka tolok malu, maibe sira lori Timor-Leste nia naran hodi ba kompete iha nasaun seluk dpois fila lori medalha apresiasaun mai Timor arte rua ne’e mak hanesan Taewondo ho Boxing.

Nia realsa “ida ne’e maka ita hanaran arte ka aktividade desportu ida, ita kompara ho arte marsiais sira ne’ebe eziste iha Timor, ne’ebe sempre sai autor ba krime hodi insulta ema seluk ida ne’ebe laos arte, hahalok oho malu ne’ebe komete husi membru organizasaun sira la presiza ita ba hasai kursu”.

Lider historiku ne’e dezafia labarik sira atu hare ba futuru hodi hases an husi krime sira, imi rona no hare ona saida mak hau klia ohin ba oin loke imi nia hanoin hodi hateke ba mundu.

Jornalista : Marcela Mery da Costa