PM Xanana Husu F-FDTL & PNTL Sai Independente No Defende Povu

SAPNewsTL, DILI : Primeiru Ministru (PM), Kay Rala Xanana Gusmão, hala’o vijitasaun ba Sentru Formasaun Akademia Polisia, PM husu instituisaun Defesa no PNTL hodi sai Independente hodi defende povu tomak

Iha diskursu Primeiru Ministru hateten katak Polísia no Instituisaun Defeza bele iha eskolla maibe labele sadere ba partidu ida

“Polisia no Forsa Instituisaun balun iha estadu de direitu demokratiku, labele sadere ba partidu ida. Ida-idak nu’udar sidadaun bele iha nia escolha tuir ida ne’ebe nia fiar. Maibe polisia ho força labele abertamente tama iha partidu no politika, presija tebes independensia iha intituisoens sira”.

“Polísia, Forsa no instituisoens da justisa ne’e hambrik atu servi rai no povu ida ne’e ho independente ba se deit, la haree ba kor, regiaun no hanoin nu’udar sidadaun Timor”. Dehan Primeiru Ministru(PM), Kay Rala Xanana Gusmão, ba polisia sira iha Sentru Formasaun Akademia Polisia, Comoro, Quinta-feira(17/08/2023)

PM saleinta katak triste tebes bainhira rona katak agente PNTL, força livre no vontade ba hamutuk ho partidu, ne’e la diak bainhira hanesan ne’e sidadaun sira labele fiar ona imi, imi tenke independente.

“Iha imi nia fuan imi hakarak partidu A ou gosta partidu B, maibe iha imi nia atitude nu’udar agente de Polísia, imi la pertense ba partidu ida, ohin ita mai hasoru malu atu kurige fila-fali buat ida ne’e iha estadu de direitu demokratiku”.

“Povu mak iha desijaun ultima, Povu mak hili, povu mak determina, povu mak fo fiar mak ukun ita nia rai, ukun sala povu la fo fiar ne’e mak dehan estadu demokratiku de direitu”.salenta nia

Primeiru Ministru explika katak lei la fo permite ba polisia no forsa atu inklina a’an iha politika, nu’udar intituisaun defesa tenke independente hodi servi povu no nasaun

“Lei impede polisia, forsa Militar ho Instituisaun justisa nian atu tama iha politika, hanesan ita hare’e dala ruma Ha’u temi ida ne’e tanba ita rona ba korupsaun, ema seluk santu hotu, ita tenke buka-buka koorupsaun, ne’e hatudu lolos katak sira ne’ebe servi justisa la servi ho laran no iha interese privadu”. Nia subliña

“Atu povu tau fiar ba agente polisia no mos ba Militares sira, ita tenke hatudu ba públiku katak imi nia misaun atu servi, atu protege ne’e mak imi Misaun ne’ebe mak sagrada”PM explika

Primeiru Ministru hatutan, “Se ita koalia iha uma laran povu sei sente deskonfia ba ita hotu, nune’e povu hakarak hatene nu’udar polisia, Instituisaun ita tenke hapara hahalok ne’ebe povu sente katak nia labele fiar ona polisia, ne’e ita la julga malu Ha’u sei la husu ida-idak katak o mak hakarak ou ema ruma mak obriga, Ha’u la husu”.

Nia katak nu’udar Primeiru Ministru nia sei tau matan nafatin ba membru Polísia sira hodi independente nafatin

“Ha’u husu responsabilidade ba Komandante sira, Ha’u la husu atu hakneak iha Públíku no deklarasaun iha Públiku, maibe nu’udar primeiru ministru Ha’u sei tau matan, imi nia hahalok ne’e hanusa, imi nia hahalok mak atu lori polisia tomak atu servi no protege povu”.Nia husu

Partisipa iha Serimónia ne’e mak hanesan Vise Primeiru Ministru, Ministru Koordenador Assuntu Sósial, Ministru Dezenvolvimentu Rural no Habitação Comunitário, Mariano Assanami Sabino, Ministru Defeza Pedro Klamar Fuik, Tenente Jeneral Falur Rate Laek, Komandante PNTL no Komandante PNTL Munisipiu sira no Ajente Polísia Sira

Jornalista : Marcela Mery da Costa