Traballador 29 Ba Korea, Cassino Konsidera Hamenuz Problema Iha Sosiedade
SAPNewsTL,Dili : Hafoin asina deklarasaun ho Família Traballador sira iha Salaun Timor Lodge, Diretor Direisaun Nasional Empregu Exterior (DNEE) Filomeno Soares haktuir asina deklarasaun ne’e nu’udar konkordansia entre família no guvernu hodi responsabiliza hamutuk wainhira mosu problema ruma
“Ohin, ita hamutuk iha ne’e halo konkordansia ida entre familia Trabalhador 29 no governo atravez SEFOPE atu ita Hotu iha responsabilidade, governu iha responsabilidade 50% no familia iha 50% ba oan sira, Nune’e iha aseitasaun ne’ebe ita halo ho sentidu ida katak ita atu bele antisipa karik problema ruma ita la espera mosu iha loron ikus”. Tenik DNEE Filomeno Soares ba Jornalista sira iha Salaun Timor Lodge, 17/08/2023
Diretor ne’e hatutan, “Akontese problema barak mak Ita haruka Trabalhador ba serbisu iha Rai Liur hanesan balun lakon Vida iha serbisu fatin, balun bulak, balun moras mak mate, kuandu akontese problema sira hanesan ne’e akontese ba trabalhador sira, familia no governu lalika dun ba malu, Ita tur hamutuk buka dalan hodi resolve”. Nia subliña
Durante ne’e governu prepara buat hotu liu husi formasaun, prepara dokumentu sira, kontaktu ba Korea, kontaktu empregador sira to’o ikus bolu familia mai atu halo akordu, signifika Família prontu husik oan ba servisu
Iha fatin hanesan, Trabalhador Cassino João de Piedade sente kontente tebes tanba bele hetan oportunidade hodi ba servisu iha Korea Sul
“Kontente tanba hetan oportunidade ba servisu iha Korea, Ha’u hanesan joven labele lakon oportunidade ba servisu iha ema rain tanba liu husi oportunidade ida ne’e bele hasa’e konhesimentu diak liu tan no hadia ekonomia familia nian”.
“Agredese ba governu tanba liu husi meiu ida ne’e halo joven barak la mete ona ba problema no muda hahalok kriminozu sira hodi hanoin ba moris aban bairua, oinsa dezenvolve nasaun no familia nia moris”. Nia subliña
Daudaun ne’e, Guvernu Timor Leste liu husi SEFOPE kontinua prepara no halo komunikasaun ho empregador sira iha Korea Sul hodi haruka Timor oan sira ba servisu
Jornalista : Ermelinda Soares