Politika TL Adezaun Ba Asean, MNEK No MSSI Diskute Kona-Ba Sosio Kultura

SAPNewsTL, Dili : Diretor Geral Asuntu ASEAN, Ministru Negosiu Estranjeirus Kooperasaun(MNEK) Milena Rangel hasoru malu ho Diretor Geral Solidariedade Social no Inkluzaun Florencio Gonzaga hodi koalia kona ba Polítika Seguransa,  Ekonomia, Sosio kultura iha Timor-Leste.

Diretor Geral Solidariedade Social no Inkluzaun Florencio Gonzaga hateten sorumutu ida ne’e hato’o informasaun balun ligadu ba Asean liga ba komunidade Pilar Sosio  Kultura nian ne’ebe mak sei hala’o iha Timor-Leste

“Delegasaun nasaun sanulu husi Asean nian sei vizita ita no halo diskusaun hamutuk ho ita relasiona ho asuntu  sira ne’ebe mak ligadu ho asuntu sosio kultura nian, momentu espesial tebes ba Timor nia kandidatura ba Membru Asean no oportunidade ba dala uluk iha ne’ebe ofisiais husi linhas ministerias relevante inklui ajensia sira sei halo diskusaun teknika relasiona ho asuntu sosio Kultural nian”. Tenik Diretor Geral Solidariedade Social no Inkluzaun Florencio Gonzaga ba Jornalista sira iha Salaun Nobre-MNEK, 06/07

Ministeriu Solidariedade Sosial  mak indika atu lidera maibe ministériu Save sira ne’ebe mak iha area sosio kultura nian mos sei partisipa liliu Ministriu Negosiu Estranjeiru ne’ebe sai hanesan Ministériu  importante ba organiza eventu ne’e.

“MSSI no inklui MEJD, MS, SEII, SEKOMS, SEJD,SEPS, no SEA mak sei partisipa diskusaun no reuniaun hirak ne’ebe mak sei hala’o, oportunidade ba Timor-Leste no hamutuk ho membru Asean sira seluk hodi diskuti kona ba problema hirak ne’ebe liu tiha ona iha Sekretariu Asean ligadu ba perguntas sira ba iha area sosio kultura”. Dehan nia

Progresu ida ne’ebe mak atinji ba eventu ida ne’e maka Timor-Leste atu kontinua hato’o nia esforsu no vontade boot tebes hodi kontinua partisipa no sai hanesan membru ASEAN iha futuru

“Agora dadaun konfirma malu ho membru  por volta husi estadu membru sanulu  no mos representante husi membru ASEAN sekretaria Jakarta”. Nia dehan

Prosesu normal ne’ebe mak atu akompanha depois sira halo hanesan ne’e sei lori fila ba mekanizmu no tuir mai sei lori ba ASEAN grupu Timor-Leste mak sei apresenta

“Ita nia aplikasaun hetan konsidera forte tanba ho vizita hanesan ho estadu membru nain sanulu hotu signifika katak  desizaun ne’ebe normalmente bazeia ba konsensus ida ne’e pilar sosio kultural iha 18 area, 22 Jullu ita simu fali ba pilar sosio ekonomiku nian. Pilar Asean tolu de’it Politika, Seguransa, Ekonomia no Sosio-Kultural”. Nia Hakotu

Jornalista  : Aquelina Magalhães & Vitoriana Brites