Pontífise Romanu : Fiar Iha Maromak, “Nia Sei Simu & Kura Ó”.
Imajem : Papa Leão XIV iha Vaticano, 25/06/2025. Foto : Vatican News
SAPNewsTL, Vaticano : Durante enkontru seminarista sira, Santu Padre Leão XIV enkoraja no husu atu la’o tuir Maromak nia dalan, “soe ó-nia an ba Nia ho laran-metin, Nia sei simu no kura ó.”.
Marciana da Conceição – SAPNewsTL / Fontes – Vatican News
Lia hirak ne’e, Amu-Papa Leão XIV hateten wainhira hasoru malu ho seminarista sira ne’ebe halibur iha Roma ba peregrinasaun Jubileu.
Santu Padre lembra Erdeiru ba Igreja antigu Aquileia, no sasin luminoso hosi mártir, pastor no misionáriu sira “ne’ebé sai hosi ne’ebá hodi habelar Evanjellu” ba mundu.
“Ohin, depende ba ita atu kontinua obra emosionante ida-ne’e”, Amu-Papa afirma, hodi konvida foin-sa’e sira atu “hamutuk iha istória grasa nian ho misaun atu hafoun no fó sasin kona-ba Kristu nia domin”. Dehan Amu-Papa Leão XIV iha Vaticano, 25/06/2025
Leão XIV subliña, mai hosi konfiansa ne’ebé laiha limite iha Na’i Maromak, inspiradu husi Saun Agostinho nia konversaun, “hanesan aman ida”, ba seminarista sira.
“Soe ó-nia an ba Maromak lahó ta’uk, Nia sei la hadook-an hodi halo ó monu. Soe ó-nia an ba Nia ho laran-metin, Nia sei simu ó no kura ó.” Sublinha Papa
Ba formadór no seminarista sira, Pontífise dehan formasaun labele esperimenta nu’udar viajen mesak ida: “Keta konsidera imi-nia an mesak, la izola imi-nia an iha imi-nia laran.Lahó dúvida, imi ida-idak mak protagonista ba imi-nia formasaun rasik no bolu ba dalan ida kreximentu konstante nian iha dimensaun umanu, espirituál, intelektuál no pastorál maibé la’ós protagonista metagonista ida, sai solista ida!”.
Leão XIV enkoraja seminarista sira atu kuda komuñaun entre sira, atu fiar tomak iha sira-nia formadór sira no la’o apoia husi Kreda nia moris ne’ebé reprezenta iha modu espesiál husi bispu nia prezensa.
Amu-Papa fó hanoin katak sentru moris saserdotál nian mak amizade ho Jesus. “Se iha buat ida ne’ebé la husik dúvida iha Evanjellu, ne’e loos duni ida-ne’e: Jesus Kristu hakarak sai ita-nia belun.Segredu ne’ebé forma santu sira iha ne’e hotu: konxiénsia kona-ba Jesus Kristu nia amizade.”
Leo XIV agradese sira ba vizita no husik hela mensajen esperansa nian: “Viajen di’ak ! Maria Virjen akompaña nafatin imi, nune’e mós ha’u-nia bensaun.”