Posibilidade Sei Ekstende Operasaun F-FDTL No PNTL

SAPNewsTL, Dili : Deputadu Bankada Governu Frente Revolucionario de Timor Leste Independente (FRETILIN) atual Prezidente Komisaun B Negosiu, Estranjeira, Defeza no Seguransa José Agostinho Sequeira “Somotxo” hateten posibilidade Konsellu Ministru sei ekstende operasaun konjunta entre F-FDTL no PNTL wainhira situasaun seida’uk kontroladu.

 “Operasaun kunjuntu entre forsa armada ho forsa seguransa ne’e sei termina iha aban loron 13 fulan Setembru, ne’ebé aban ita sei haree situasaun kontroladu ou lae, karik seida’uk iha situasaun kontroladu ne’ebé previstu ba operasaun kunjuntu refere, konserteja sei ekstende depende ba iha Konsellu Ministru (KM)”. Dehan Presidente Komisaun B Asuntu Negosiu, José Agostinho Sequeira ‘Somotxo’ ba jornalista sira iha Parlamentu Nasional, Segunda-Feira, 12/09/2022.

Deputadu ne’e akresenta problema sira ne’e akontese mos antes ukun an tanba ne’e estadu tenke foti medidas ida ne’ebé adekuada hodi regula.

“Tuda malu ho situasaun kria instabilidade ne’e uluk kedan akontese desde ita ukun an, estadu hanoin medidas ida ne’ebé adekuadu ba situasaun, problema tuda malu ho estabilidade ne’ebé ita hatene ne’e hanesan problema ida ne’ebé fundamental tebes no ita sempre rezolve maka problema entre grupu Arte Marsiais ho Arte Rituas”. Nia informa.

Nia hatutan, governo presiza haree polítka oinsa bele halo lei ba ema ne’ebé involve iha arte marsiais hodi kontribui ba paz no estabilidade.

“Grupu arte Marsiais ne’e la’ós ita atu kondena, governu halo ona esforsu hotu-hotu para legaliza, maibé problema ne’e nunka para, entaun ba ha’u hare katak ita tenki hare Polítika lolos, sá polítika maka bele responde arte marsiais, ida ne’e persija ho lei ba ema hotu-hotu ne’ebé hola parte iha arte marsiais sira ha Timor Leste  tenke hanoin katak ita sira ne’e tenke kontribui ba estabilidade”. Nia fundamenta

Jornalista: Ermelinda Soares

Editor: Ekipa Editorial