Sai Espesial Iha Santa Sé Nia Matan, Sarani TL Gratitude

SAPNewsTL,Dili: Hafoin missa agradesimentu ba sua Eminência Cardeal Dom Virgílio do Carmo da Silva Padre Pároku Nossa Senhora Rainha dos Apóstolos de Luro Augusto de Sá hateten Timor Leste sai espesial iha Santa Sé nia matan, liu husi Santo Padre Francisco ne’ebé hili Dom Virgílio tama iha Koléjiu Kardináriu nu’udár grasa ida.

Hafoin missa agradesimentu ba Sua Eminência Cardeal Amu Pároku Agusto de Sá hateten nu’udár paroku no sarani sente gratitude tanba Dom Virgílio tama iha Colégio Kardinario Santo Padre nian nu’udár grasa ida ba Timor Leste.

“Hanesan sarani hanesan Paroku hamutuk ho sarani Parokia Luro hatudu sentimentu ksolok rohan la’ek ba grasa ne’ebé liu husi Santo Padre Francisco hili ona Dom Virgilio nu’udar Kardeal tama iha Colegio Kardinário Papa nian iha Vatikanu ao mesmu tempu nu’udár Bispo iha Dili ba momentu kmanek ida ne’ebé ita selebra asaun de grasa hamutuk Timor oan ne’ebé sai Cardeal, hanesan sinal ida gartidaun ba Maromak tanba Timor sai espesial tebes ba matan Santa Sé nian”. Dehan Amo Paroku Nossa Senhora Rainha dos Apóstolos de Luro Agusto de Sá hafoin missa agradesimentu ba sua Eminência Cardeal iha Tasi-Tolu, Kuarta-Feira,6/09/2022.

Amo Pároku ne’e akresenta, liu husi homilia Cardeal Dom Virgílio Cardeal nian ne’e importante tebes hodi banati tuir saida mak Papa Francisco ho fiar bo’ot atu asina iha 2019 liu ba kona-ba fraternidade humana, importante tebes tanba igreja hakarak duni kontribui ba paz, estabilidade no harmonia.

“Liu husi Papa Francisco ninia ezortasaun ida ne’e importante tebes  tanba faternidade humana  la depende ba relijiaun la depende rasa la depende ba grupu maibé haree ema nu’udár retratu ka figura maromak nian iha mundu”. Tenik nia

Nia hatutan, igreja katolika harii fraternidade humana atu halo Timor Leste moris iha dame no paz no la bele iha fronteira ba malu  nu’udár maun alin.

“Igreja katólika hamutuk ho komisaun relijioza sira iha mundu rai klaran hakarak hamutuk harii faternidade humana ba rai ida ne’e, mundu ida ne’ebé maun alin laiha tan fronteira ba relijiaun, laiha tan fronteira ba grupu, laiha tan fronteira ba rai maibé mundu ida de’it tama iha komum mundo ne’e nian, ita ida deit hakarak dame atu  nune’e sosiedade ida ne’ebé prosperu total iha mundu ida ne tuir espetativa ita hotu nian”. Nia hatete

Entretantu, Padre Pároku ne’e mos husu ba sarani sira iha Timor Leste tomak atu hadomi malu nu’udár sarani ne’ebé di’ak hametin unidade no fo esperansa ba Timor atu moris iha paz no hakmatek nia laran.

‘’Nu’udár sarani ida kreda Timor mak ida ne’e, saida mak ita Na’i Jesus Kristu hanorin ba ita hadomi malu ne’e sai ukun fuan  ida ne’ebé  importante tebes tanba ne’e paz no hakmatek iha ita nian rain, ita presiza hotu-hotu nia kontribuisaun nu’udár sarani ita loke liman ba ita nia maluk sira ne’ebé konviksaun relijioza ne’ebé lahanesan maibe Timor ida de’it ne’e mak unidade tenke sai metin ba ita nia esperansa para Timor ne’e bele hamrik metin, solidu nu’udár maun alin”. Nia hakotu

Jornalista: Conzita Mota

Editor: Aleixo Ximenes