Povu Koreanu Iha Problema ! Timoroan Favor Atensaun
Imajem : Prezidente Repúblika Korea Yoon Suk-Yeol
SAPNewsTL, Seul : Iha loron 3 fulan Dezembru (tuku 23:00), Prezidente Repúblika Korea Yoon Suk-Yeol deklara Lei Marsial, hafoin oras haat dada hikas ninia deklarasaun refere tanba hetan vota kontra hosi Asembleia Nasionál maibe populasaun Korea Sul kontinua halo asaun hodi husu resignasaun ba Prezidente Repúblika.
Bazeia ba situasaun doméstika Repúblika Koreia nian no estipulasaun “Nasaun ne’ebé iha Emerjénsia Militár” ne’ebé deklara husi Prezidente Repúblika Korea, Sr. Yoon Suk-Yeol ne’ebé hetan protestu makaas hosi ninia populasaun sira.
Situasaun ne’e loke dalan ba golpe no halo povu Koreanu preokupa hodi krítika no husu resignasaun ba Prezidente Repúblika Korea Yoon Suk-Yeol husi nia kargu tanba uza forsa no poder hodi hola desizaun.
Imajem : Despaixu Embaixada Repúblika Demokrátika Timor-Leste iha Seul
Nune’e, Embaixada Repúblika Demokrátika Timor-Leste iha Seul liu hosi karta despaixu husu ba Timoroan sira iha Korea Sul hodi kuidadu no evita la’o iha area ne’ebé iha poténsia ba konflitu.
“1. Husu ba sidadaun Timor-oan hotu atu halao nafatin atividades hanesan normal, 2. Husu mos ba sidadaun Timor-Oan tomak lili-liu iha area Seul atu labele hakbesik a’an ba area ne’ebé iha potensia ba konflitu”.
“3. Husu ba sidadaun Timor-oan tomak iha Korea Sul atu mantein nafatin lori identifikasaun/kartaun sidadaun ruma hanesan: Pasaporte no KOREA Residence Card (KRC), 4. Mantein nafatin komunikasaun ho Embaixada Repúblika Demokrátika Timor-Leste iha Seul, Korea”. Haktuir Embaixada RDTL iha Seul,4/12/2024. SAPNews Screenshot
Fo hanoin fali katak, hafoin desizaun lei marsial ne’e fo sai, liu tiha oras haat desizaun refere hetan anula tanba Povu Súl-Koreanu sira halo kedas reajen.
Tuir relatóriu husi Seoul, John Yoon husi New York Times ne’ebé SAPNews asesu haktuir istória husi ajente imobiliáriu ida ne’ebé haree Prezidente Yoon nia diskursu, Mane ne’e hatete ba jornalista Yoon nian katak, “Ha’u hanoin, ‘ikus ona mak ne’e’, entaun ha’u sai”. Prezidente nasaun ida nian ezerse ona nia podér ho forsa, no nia povu sai hodi protesta ida-ne’e. Ita tenke hasai nia hosi podér hahú hosi pontu ida-ne’e. Nia iha pozisaun ida ne’ebé nia tenke tun.”
Michelle Ye Hee Lee, Xefe Eskritóriu Washington Post Tokyo/Seoul, relata katak Asembleia Nasionál konsege halibur maioria hosi nia membru sira—190 hosi 300—iha oras rua ho balun nia laran hodi partisipa iha votasaun unánimidade ida hodi anula deklarasaun emerjénsia Yoon nian husi lei marsiál. Votu ne’ebá inklui membru sira hosi nia partidu rasik.
Komentadór polítiku Adam Schwartz fahe vídeo ida ne’ebé hasai hosi líder Partidu Demokrátiku Koreia-Súl nian, Lee Jae-myung, bainhira nia sa’e liu parede Asembleia Nasionál nian hodi vota kontra deklarasaun lei marsiál Yoon nian. Vídeo sira seluk hatudu ema sira iha dalan hodi dudu lejisladór sira liuhosi didin sira ba votasaun.
Enkuantu, Timoroan sira ne’ebé servisu iha Korea Sul, oras ne’e kontinua hala’o sira nia servisu hanesan baibain.Notísia kompletu SAPNews sei rekolla no fo sai iha oras tuir mai.
Jornalista : Ekipa Kobertura
