Povu Sai Konvidadu, PR Horta Rekunhese Seidauk Iha Kbiit Hases Povu Husi Kiak
SAPNewsTL, DILI: Iha Âmbitu Tomada de Posse ba Estrutura Ezekutiva Nonu Guvernu Konstitusional, Xefe Estadu José Ramos Horta Konvida povu Kiik, Kiak no negosiante Sira partisipa iha Serimónia Solene Tomada de Posse ba Estrutura Nonu Guvernu iha Palasiu Presidensial Nicolau Lobato Ai-Tarak Laran
“Ema sira ne’e sé? Labarik barak, atus ba atus, ita-nia labarik sira, mós iha-ne’e nu’udar Prezidente nia konvidadu. Sira ne’ebé fa’an modo hodi moris tuir ho susar, badinas hale’u oras 8 lorloron, la’o-ain iha loron manas, dadeer to’o kalan, ho sira-nia kosar-been mós fó sira-nia tulun-lisuk hodi haburas ita-nia vida nasionál”.Tenik Presidente Republika José Ramos Horta liu husi Diskursu Palasio Presidensial Aitarak Laran Sábadu (01/01/23)
“Ai-fuan ne’ebé halekar iha ita-boot sira nia oin ami sosa hosi “ai-leba”, “tiga-roda”, ain-tanan sira, krekas tanba han ladi’ak, sira hotu nu’udar konvidadu hosi Prezidente Repúblika. Inan sira-ne’ebé maske ki’ak, badinas nafatin ho fa’an modo, Inan sira-ne’ebé kuda to’os, Inan sira-ne’ebé moris tuir ho sira-nia ‘kios ki’ikoan’ sira hotu iha-ne’e nu’udar Prezidente nia konvidadu”.
Presidente hatutan Xefe Suku, Xefe Aldeia, profesór, akadémiku, intelektuál, enfermeiru, doutór, estudante, klosan sira nu’udar konvidadu mós hosi Prezidente.
“Ha’u haraik ba ema sira hotu nu’udar asuwa’in tebes tanba hasoru moris ho susar no todan, hafoin luta ba ukun-rasin-an, sira sei nafatin luta hodi hetan buras maibé kesi hela nafatin ho ki’ak hanesan horiuluk kedas”.
“Ita tenke aprende haraik ho respeitu ba ema sira-ne’e no husu deskulpa ba sira tanba ita la iha matenek no kbiit nomós laran luak atu bele fó tulun ba sira hodi hasees hosi moris kasian ne’ebé sira hetan kleur ona”.
Entretantu, Iha Serimonia Solene ida ne’e Partisipa mos husi Konvidadu Internasional sira no Mídia Internasionál Sira inklui Partisipasaun Populasaun sira Ne’ebe Hela no hatutan moris ho vida Negosiu iha Kapitál Dili
Jornalista: Ermelinda Soares