Hafoin Rezolve Risku Dezastre, MOP & ADN Sei Halo Verifikasaun Ba Projetu Hotu-Hotu

SAPNewsTL,Dili:Relasiona ho udan ne’ebe akontese Durante loron hirak Ikus ne’e, iha ne’ebé provoka mota boot hodi estraga Uma, estrada no ponte iha Munisipiu Covalima, Manufahi, no Munisipiu Lautem.

Iha Intervista Ministru Obras Publikas (MOP) Samuel Marçal hateten ekipa iha Munisipiu sei ajuda urjenti ba vitima sira no ekipamentos kompletu ona hein bee iha mota menus mak sei halo diak ba ponte no estrada sira

“Mota ne’ebe oras ne’e sobu estrada no Ponte Iha Munisipiu Covalima,Bobonaru,Lautem, Manufahi, Seidauk halo asaun rápidu tanba dadauk ne’e mota boot hela maibe ekipamentos kompletu hotu ona iha terenu bainhira hare ba mota kiik ona udan para ona mak sira sei hadia ponte no dalan sira Ne’ebe Aat”.

Ministru hatutan, “Husi Obras Publikas Munisípiu nian ho IGE sira hahu halo hela atendimentu urgenti ba vitima sira no mos survei hotu ona, informasaun ami simu hotu ona husi sira iha Munisipiu”

“Ohin reuniaun hamutuk ho Primeiru Ministru hodi Ko’alia kona-ba Programa sira ne’ebe sei halo durante tinan lima,”Dehan Ministro Obras Publiku Samuel Marcal ba jornalista sira iha Palasiu do Governu, Quarta Feira 05/06/2023.

Iha Parte Seluk, kona ba Projetu Sira ne’ebe La’o, Ministru Samuel Marçal Klarifika Nia Parte Seidauk Hanoin atu hapara projetu Sira Maibé sei Halo verifikasaun ba nia prosedimentu Sira

“Seidauk iha instrumentu atu hapara projetu sira ne’ebe mak la’o tiha ona hahu husi oitavu governu nian, no sei hare tuir deit ba projetu hirak ne’ebe la’o ona ne’e lao tuir lei no regras galae”.

“Verifikasaun tuir prosedimento galae, Nune’e ida ne’ebé la tuir lei no abandona hela. Ita sei forma ekipa ida hodi hare ba projetu hirak ne’e, Ministro Obras Publiku hamutuk ho ADN sira hotu-hotu sei tun ba terenu hodi halo verifikasaun”.

Enkuantu, Kona Ba Dezastre Natural ne’ebé estraga infraestrutura básika Sira, MOP orienta Ona IGE hodi halo intervensaun, Portantu Daudaun ne’e ekipamentu sira iha Ona Terenu hodi Normaliza Estrada no ponte sira ne’ebe afeta husi korrente Mota

Jornalista: Lidia Amaral