Boot Sira Kontinua Soe Fo’er Arbiru, Ki’ik Oan Sira Halo Limpeza

SAPNewsTL, Dili : Relasiona ho Fo’er ne’ebe individu balun soe arbiru hodi hafoer Tasi no Tasi-ibun iha Área Bebonuk Postu Administrativu Dom Aleixo Kapitál Dili, Ohin Labarik Na’in Rua Layla ho idade 10 anos no konsege influencia nia alin Carissa ho idade Tinan 7 Hala’o limpeza hodi hili Fo’er sira ne’ebe Ema boot Sira soe arbiru

Iha dada lia badak ho Layla, Nia haktuir “Ha’u gosta Halimar iha Tasi-ibun, Maibé Ha’u la gosta tasi ne’ebe Fo’er, Tasi Fo’er mai husi Ema boot Sira ne’ebe soe foer arbiru, Ha’u ho Ha’u Nia alin hakarak mai hamos no halimar iha Fatin ne’ebe moos”. Tenik Layla, Aluna Eskola Anju Caridade Madre Carmelita Bebonuk, 06/07/2023

Ki’ik Oan nain rua ne’e mos husu ba ema hotu atu labele soe Fo’er arbiru tanba belê estraga Tasi-ibun ne’ebe moos, Foinsa’e ne’e mos husu atu monta CCTV hodi kontrola ema sira ne’ebe tenta soe Fo’er arbiru

“Ha’u husu ajuda ba Ministériu Turismo atu bele kuadru avizu kona ba bandu soe lixu iha fatin refere, Husu Polisia tau mos CCTV atu ajuda controla ho Diak, ema hotu labele soe Fo’er arbiru”. Nia husu

Sira Nain, Hamos no hili Fo’er sira ho Kontente no boa vontade iha área branka Tasi Ibun Bebonuk, Sira Nain rua ne’e hetan Akompanha husi nia mama Joana Perreira Miranda

Iha Sorin Seluk, Sidadaun Marino Pinto hateten, Tasi-ibun kontinua Fo’er tanba Konsiénsia Komunidade nian sei Menuz, Komunidade Hakarak uza fatin ne’ebé moos no seguru Maibé laiha responsabilidade hodi asegura Tasi-ibun Ne’ebe moos no saudável

“Komunidade sira nia Konsiénsia fraku hodi soe Fo’er no lá Soe Fo’er iha Lixeiru Rezulta Tasi-ibun Sira sai Fo’er nakonu ho plástiku Sira, Besi Rohan, Hahan Fo’er Sira, Aí Rohan Sira, saldalla no sapatu uzadu Sira hodi halo fatin Públika Sira sai dóis no la Seguru”. Tenik Marino Pinto ba SAP News iha Largo Lecidere, Dili, 06/07/2024

Marino hatutan, “Komunidade Sira Kontinua lakon sira sira nia Konsiénsia no responsabilidade hodi asegura ambiente ne’ebé Moos no Komfortavel, Tanba ne’e Entidade hotu tenki Konsensializa Sidadaun Sira Kona Ba Meiu Ambiente ba futuru”.

Nune’e Ambiente Kapital Nasaun Timor Leste bele moos, Seguru, Komfortavel no hatudu Imajem Diak ba bainaka sira ne’ebe mai husi liur

Tuir Observasaun Jornalista SAPNewsTL iha Terenu nota katak Valeta sira iha Kapital Dili kontinua Nakonu ho lixu, drainajem barak sai intupidu no dois tanba foer sira ho bee metin iha fatin, Tasi Ibun barak sai Fo’er tanba ema Soe Fo’er Arbiru iha Valeta no wainhira udan Bee lori ba Tasi

Nune’e, Tasi Ibun Ne’ebe Fo’er sei fo Ameasa no fo impaktu ba ikan Sira iha tasi no halo ema ne’ebe ba paseiu iha Tasi sente la seguru

Jornalista: Esmeralda da Silva