Haree Manu Aten, Buka Husi Mota To’o Tasi Lada’uk Hetan Joanico

SAPNewsTL, Lautém : Relasiona ho Mota Ne’ebe lori Lakon Estudante Mane ida Iha Luro, Autoridade Protesaun Civil (APC), PNTL, Administrador Postu Luro Hamutuk Ho Komunidade Munisípiu Lautém Kontinua buka tuir Estudante Joanico da Costa ne’ebe Mota lori iha dia 4 Jullu 2023, Maibé infelizmente to’o agora seidauk hetan estudante refere

Hafoin Estudante Joanico da Costa Mota Lori iha Loron tersa, 4 Jullu 2023 Loraik maiz ou Menuz tuku 5 Liu, Iha Area Mota Odofuro Postu Administrativu Luro Munisipiu Lautém

Komunidade no Família Sira buka tuir kedas maibe durante loron 3 Ona, Hahú husi fatin akontesimentu Area Mota Odofuro Luro To’o Tasi-ibun Rau Moko Area Laivai, Maibé infelizmente to’o agora seidauk hetan estudante refere nia isin Mate latan iha ne’ebé

Tuir Observasaun Jornalista SAPNewsTL Luis Pailofo Ne’ebe Akompanha Direita Segurança PNTL Munisipiu Lautém, APC, Administrador Postu Administrativu Luro Augusto Ramos hamutuk ho Komunidade Lautém Orseik no ohin kontinua buka tuir La’o hahu husi Fatin akontesimentu To’o Tasi maibe seidauk hetan nafatin

Ekipa ne’e Kuaze limanulu mak hamutuk ho parte seguransa hodi buka, La’o Nakonu mota ne’e hodi Nani bee nalihun no buka maske bee seidauk moos, Ekipa refere buka tuir desde dia 5 husi dader to’o loraik maibe ladauk hetan

Fo Hanoin fali katak, antes ne’e estudante nain haat, Entre Sira Feto 3 no Mane Na’in ida mak Joanico da Costa, Iha momentu Ne’eba Mota lori sira Nain haat, wainhira Sira sai husi eskola Iha Ensinu Báziku Central Odofuro, sira tenta hakur mota husi Odofuro ba Uma hela fatin Lereadu, Suku Mahina II, Postu Administrativu Lautém.

Saída mak akontese wainhira sira hakur ? Sira Nain haat hakur To’o iha klaran Derepente Korrente mota boot mai hodi lori Sira, Maibé Sira Nain rua Mak salva an, ida seluk salva husi nia Maun, enkuantu Joanico da Costa la Konsege salva tanba mota lori lakon iha Sira Nia Leet

Sira Nain Tolu Ne’ebe Konsege salva ne’e agora daudaun iha Kondisaun saúde ne’ebé Diak no Kontinua Partisipa iha Prosesu Ensinu Aprendijajem, Maibe Joanico da Costa To’o Agora Seidauk hetan nia isin Mate

Ohin, Lia Na’in mos hamulak Ona no haree manu Aten, Komunidade Sira Kontinua buka tuir maibe seidauk hatene no hetan paradeiru Matebean Joanico da Costa nia isin mate latan iha Ne’ebe

Portantu, SAPNewsTL sei Kontinua Akompanha to’o hetan mate isin, Hafoin sei Públika ba ninia Notisia kompletu

Jornalista : Luis Pailofo
Luro-Lautém, 06 Jullu 2023