Preokupa Timor Oan Iha Portugal, Alkatiri Fo Proposta Ba PR Horta
Imajen Eis Primeiru Ministru, Mari Bin Amude Alkatiri.
Dili : Eis Primeiru Ministru, Mari Bin Amude Alkatiri. Aktual Secretario Geral Partido Frente Revolucionário de Timor Leste Independente (FRETELIN) preokupa ho sidadaun ne’ebe kontinua ba Portugal.
Lia hirak ne’e hato’o husi Sekretario Geral Partido Frente Revolucionario de Timor Leste Independente( FRETELIN) hafoin hasoru malu ho Presidente da Repúblika Jose Ramos Horta iha Palasio presidensial Bairo-Pite sexta feira nee 28/10.
“Ita hotu hatene katak Presidente atu ba Portugal iha dia 29, Ha’u nia preokupasaun ba ita nia Timor oan sira, kontinua ba deit, ba deit ba Portugal ne’e boot tebes, Entaun fo opiniaun ba Presidente da Republika atu resolve no buka solusaun”.(Dehan Secretario Geral Partido Fretilin iha Palasio Presidensial Bairo-Pite sexta-feira ne’e (28/10)
Hafoin sorumutu ho Presidente da Republika Jose Ramos Horta, Secretario Geral Partido FRETELIN nee mos fo proposta ba xefe estado hodi lori ba Portugal.
“Ami ko’alia hotu-hotu, ha’u fo proposta ba Presidente, nia mos konkorda ho proposta ne’ebe ha’u fo ba nia. Nia sei lori ba Portugal para atu ajuda fo solusaun ida que temporária”.(tenik Secretario Geral Partido FRETILIN)
Kona ba proposta ne’ebe Secretario Geral Partido Frente Revolucionario de Timor Leste Independente (FRETELIN) hato’o ba Presidente da Repúblika ba Portugal, Jornalista tenta husu kona ba proposta ne’e. Maibe Secretario Geral Partido FRETELIN la ko’alia sai.
“Proposta ne’e Presidente atu lori ba Portugal, Se ha’u ko’alia ba média ona, diak liu lalika ona”. (Aksecenta nia)
Secretario Geral Partido FRETELIN afirma, Atu kria kondisões para sira bele aprende buat ruma iha Portugal hahu ho lingua portuguesa i sira nia servisu ruma que sira hakarak halo iha ne’eba sira tenki iha oportunidade para atu hetan ba buat ida ne’e.
Entertantu, Tuir Secretario Geral Partido Fretilin, Ema hotu-hotu iha Direitu atu ba ne’ebe deit, labele ba ema nia rai para atu sai fali refuziadu, ba para atu kontribui lori sira nia kbiit no sira nia kapasidade hodi hadia sira nia moris
Jornalista : Vinsensius saldanha