PM Taur Sei Solusiona Problema Timor Oan Iha Portugal

Dili : Relasiona ho sidadaun Timor oan ne’ebe buka servisu iha Estranjeiru no toba iha luron hanesan Portugal, Xefe Governu Taur Matan Ruak hateten, sei esforsu hamutuk ho Governo Portugal hodi buka solusaun.

“Situasaun ida ne’ebe toba iha estrada ou iha ema nia tatis sira ne’e, infelizmente akontese, entaun saida mak Governu halo, Governu sei halo esforsu hodi servisu ho Governo Portugal.( Dehan Primeiru Ministru, hafoin hasoru malu ho Presidente da Republika Jose Ramos Horta iha palasiu presidensial Nicolau Lobato Bairo- Pite Quinta-feira ne’e (27-10)

Tuir xefe Governu Taur Matan Ruak, proposta Foun primeiru mak hapara Timor oan labele benefisia hanesan rejime ida ne’ebe fo Liberdade ba  ema sira la’o iha area uniaun europeia nian.

Nune’e, segundu mak atu halo kona-ba reforsa servisu kooperasaun téknika, katak iha servisu migrasaun sira Portugal Servisu Estranjeira Fronteira(SEF).

Aleinde ida ne’e, Primeiru Ministru Taur Matan Ruak hateten sira sei Haruka migrasaun Portugal para mai servisu ho imigrasaun Timor Leste.

“Atu halo pasa revista ou chek ba dukumentu hotu-hotu husi ema ne’ebe hakarak ba Portugal, hanesan Ema hotu hotu haree kona ba Euro-Atlantiku mai sira lori kedas sira nia migrasaun iha laran.( tenik primeiru Ministru  Matan Ruak)

Xefe estadu esplika, esforsu Governo nian, halo nusa mak atu apoiu sira iha ne’eba no sira ne’ebe hakarak fila guvernu bele lori fila,

“Sira ne’ebe hakarak, it abele lori fila, tanba iha estranjeiru ita konsege lori fila, hanesan iha Malazia balu deporta deit, sira balu 300 ou 400 ne’ebe ba Inglatera depois sira fila fali mai to’o iha Portugal.

Jornalista : Vinsensius Saldanha