Preparasaun TL Ba ASEAN, BNPB Indonésia Vizita SEPS Avalia Rekursu
DILI – Banda Nasional Penaggulangan Bencana(BNPB) husi Nasaun Indonésia hala’o nia vizita dahuluk ba Sekretario Estadu Protesaun Civil hodi haforca Akordu bilatereal entre Indonesia ho Timor-Leste hodi prepara ba Adezaun ASEAN
“Ohin hetan vizita husi ita nia delegasaun ASEAN ho mos ita nia ministerio negosiu estranjeiru Indonesia, sira mai iha Timor-Leste komesa horseik sira mai vizita linha Ministério Saúde sira relativamente konaba TL nia preparasaun i halo mos Avaliasaun ba rekursus sira ne’ebe mak TL prepara ona ba iha membru asean nian.” Dehan Diretor Geral Agustinho C.Belo ba jornalista sira iha Salaun Sekretaria Estadu Protesaun Sivil kaikoli Dili, 08-06-2022
Nia fundamenta, iha vizita ida ne’e kompostu husi ema nain tolu, protesaun sivil tama iha pilar ida ba iha ASEAN ninian hanaran social kultural, inklui Ministerio Solidaridade Social, SEFOPE no mos Ministeriu seluk tan.
“Ita aprejenta ba sira, ita nia difikuldade balun no ita nia rekomendasaun balun, nune’e sira mos bele toma konta ba iha buat hirak ne’e, sira mos ohin halo komprimitidu katak ekipa hirak ne’ebe mak ohin mai ne’e sira sei ba relata ba iha Linha Ministerial sira iha Indonesia״. Tenik nia, Quarta feira(08/06)
Formasaun sira balun ba funsionariu sira ne’ebe mak iha protesaun civil nian, sira mos atu bele ajuda TL no Timor oan sira ne’ebe mak hakarak atu tuir formasaun konba protesaun sivil sira bele ajuda hodi ba tuir formasaun hirak ne’e iha indonesia.
“Sira mos atu ajuda makas liu Timor-Leste iha area kapasitasaun nian, no mos elabora diak liu tan rekezitus no proposta TL nian liu-liu ba iha protesaun civil nian diak liu tan i laos iha nasaun Indonesia deit maibe iha mos nasaun sira seluk ne’ebe mak iha membro ASEAN nia laran.”Hakotu nia
Jornalista : Lidia Amaral