Promove Kampus Seguru ! UNTL & UN Women Loke Kompetisaun TikTok
SAPNewsTL,DILI– Hapara Violensia Bazeia ba Jéneru( sigla VBJ), no asediu seksual( sigla AS), no promove kampus seguru iha UNTL. Univerdidade Nasional Timor Lorosa’e(sigla UNTL) no UN Women loke kompetisaun video TikTok ba estudante sira.
Reprezentante UN Women ba Espesialista Projeitu Hamutuk Ba Igualdade, Nuntana Tangwint hateten katak nia partisipasaun ba workshop ohin nian ne’e oinsa estudante utiliza plataforma tik tok hodi halo advokasia ba kampus seguru.
Nia hatete, aktividade ne’e planu ona iha tinan kotuk maibe la konsegue realiza no tinan ida ne’e mak foin realiza, UN Women servisu hamutuk ho UNTL hodi bele realiza, nune’e nia espera katak liu husi partisipasaun estudante sira nian ne’e, oinsa mak utiliza plataforma hodi halo advokasia ba estudante.
“Inisiativa kampus seguru ida ne’e nia implemanta dala haat(4), ona iha primeiru nian ne’e halo pintura no segundu halo ho aniversariu UNTL nian. Husi parseiru ne’e mos ita hari’i ona fatin akonselhamentu ne’ebe sei fo espasu seguru ba ita, kestaun ou duvida ou problema kona ba asédiu seksual”.Dehan Reprezentante UN Women ba Espesialista Projeitu Hamutuk Ba Igualdade, Nuntana Tangwint iha nia diskursu, iha salaun fakuldade siensia exatas,Sexta-feira(01/03/2024).
Iha fatin hanesan, Vise Reitora ba Asuntu Estudantil UNTL, Lígia Tomas Correia haktuir meius ida ne’ebe mak atu kombate violensia Bazeia ba Jeneru no Aseidiu sexual mak liu husi aksaun kampus seguru ne’ebe mak kria kondisaun seguru no konfortavel ba estudante sira tanba ne’e UNTL ho UN Women servisu hamutuk hodi halo kompetisaun ba video Kampus seguru iha Plataforma tik tok.
“Objetivu husi aktividade kompetisaun video tik tok ne’e foku liu kona-ba kampus seguru oinsa ita atu kria kondisaun kampus ne’ebe mak seguru no konfortavel iha UNTL liu husi nia aktividade ne’ebe mak ohin estudante sira partisipa iha kompetisaun ba tik tok tanba tuir peskiza iha Timor-Leste vijitor sira ba plataforma tik tok barak liu kompara ho Facebook no instagram”.Dehan Vice Reitora UNTL Ligia Tomas Correia ba jornalista SAPNewsTL iha Salaun Fakuldade Siénsia Ezatas, INFORDEPE, Dili, 01/03/2024
Nia informa katak kompetisaun ne’e nu’udar meius ida ne’ebe pertinente tebes ba estudante sira atu hato’o nia mensagem, informasaun ou advokasia liu husi tik tok ho ida ne’e UNTL kria kompetisaun ne’e bainhira se mak manan ba promove kampus seguru ne’e lori ba fakuldade ida-idak.
Nia salienta katak ho estudante ne’ebe mak numeru bo’ot dala ruma Violensia Domenstika ba Jeneru no Asediu sexual akontese tanba ne’e ho programa kampus seguru ne’e diak tebes hodi asegura sira livre husi asédiu.
“Ita hare katak numeru estudante ne’ebe mak bo’ot, no nu’udar ema umanu sempre iha deskontroladu ba atitude sira, tanba ne’e mak ho programa ne’e no ida ne’e hanoin diak husi estrutura, profesores sira no komunidade akademiku hotu-hotu esforsa ann hodi prevene atitude ne’ebe mak la diak iha Universidade Timor Lorosa’e”Dehan nia.
Entertantu, aktividade programa kampus seguru ne’e parseria entre Universidade Nasional Timor Lorosa’e no UN Women liu husi projeitu Hamutuk Ho Igualdade ne’ebe fundu husi Koica. portantu kompetisaun ne’e sei finaliza iha loron 7 fulan marsu semana oin liu husi anunsiu rezultadu husi ekipa juri sira.
Jornalista : Marcela Mery da Costa