Prontu Ezekuta Lei No Ordem, Mouzinho : SIC Presiza Ema Multidisciplina

SAPNewstl, Dili, 25/07/2022 : Inspetor Xefe Operasaun Servisu Investigasaun Criminal (SIC) no Tékniku  Forensik PNTL Mouzinho Correira  hateten Unidade  ne’e eziste desde 2002 iha UN nia tempu, naran ne’e muda tunsa’e maibe nafatin iha ambitu emisaun criminal ninian, ne’ebe lokaliza iha Kapital Dili.

“Kada Komandu Munisipiu mos iha emisador, ne’ebe kolokadu iha ne’eba, to’o ona iha eskuadra agora iha SIC laran mos iha unidade ida ne’ebe toma konta iha parte tékniku nian, ne’ebe mak ema bolu unidade polísia téknika, dala barak mos ita konese dehan Forensik”. Dehan Inspetor Xefe Operasaun Sic no tekniku Forensic PNTL Mouzinho Correira ba jornalista iha komando Jeral PNTL Caicoli, segunda-feira (25/07/2022).

Nia esklarese Unidade ida ne’e atu aumenta iha Kapital Dili deit, maibe ninia elementus 2 (rua) ou 3(tolu)  iha munisipiu, mais fasilidade mak seidauk maibe termus de ekipamentus lokal de krimi iha tiha ona.

“Komando prepara ona liu husi komandu PNTL nomos liu husi parseiru ho internasional ne’ebe iha Dili no mos iha munisipiu. Unidade ne’ebe ema bolu sensibilizasaun kriminal atende tipu kazu hotu-hotu la iha disfundasaun ba iha tipu  kazu ida, mesmu lei orgaun polisia kriminal ne’ebe aprova ona maibe ida ne’e la taka dalan katak kualker kazu nafatin bele simu” Tenik Nia

Nia haktuir, Kona ba delegasaun kompetensia ne’e kompetensia ministeriu publiku nian, ministeriu públiku hakarak entrega ba SIC tanba ida ne’e kompeténsia ministériu publiku nian.

“Ami iha ona rekursu humanu no rekursu apoiu equipamentus, rekursu humanu haree husi ninia kuantidade no kualidade ne’e sufisiente, atu dehan sic ne’e mai ho iniciador ne’ebe ho ninia background edukasaun no  espesifika oioin, ne’ebe  ami iha hotu iha nacional no municipiu” Nia esklarese

Nia Klarifika Sic laos presija deit ema direitu, forensic laos presija deit ema kriminolojia, sic presija multidisiplina, tanba iha kazu balu ne’ebe presija disiplina seluk, pur ezemplu : ba kazu korupsaun  sira presija ema ho nia background akontablidade.

“Durante ne’e hala’o prestasaun serbisu ne’e diak tanba rezultadu iha terenu hatudu katak kazu sira ne’ebe sikat iha ne’e ho rezultadu diak, hetan apresiasaun husi ministeriu publiku no orgaun sira katak serbisu ne’ebe sic halo ho kualidade”. Dehan Nia

Enkuantu Bareira nu’udar instituisaun sempre iha  em termu finanseiru, equipamentus, rekursu humanu tanba presija mos ema ne’ebe kualifikadu no barak hodi bele atende krime hotu-hotu iha teritóriu nasional Timor-Leste, purtantu Sic deklara pronto kumpri lei no ordem tuir nia mandatu

Jornalista : Justino de Jesus Soriano & Marcela Mesquita de Jesus Lemos