Konstrusaun Sítiu Turistiku Cristu Rei No Portu Antigu Dili iha Ona Faze Aprovizionamentu
SAPNews, Dili : Ministériu Turismu Comersio Industria(MTCI) ho parseiru dezenvolvimemtu USAID liu husi Turizmu ba Ema hotu Realiza Workshop kona-ba lista Prinsipal Parseria Publika-Privadu (PPP), Tuir MTCI Jose Lucas do Carmo da Silva hateten projetu rua Cristo Rei no Porto Antigo Dili iha ona faze aprovizionamentu
“Ohin Ministeriu Finansas iha kordenasaun ho Ministru kordenador asuntu ekonomiku iha workshop ida ne’e kona-ba kontextu PPP, objectivu principal husi workshop ida ne’e mak oinsa atu fahe informasaun detalhados kona-ba konseitu ou modalidade PPP ne’e rasik ba lina ministeriais sira ne’ebe sei fo sai ba públiku”. Dehan Ministeriu Turismu Comercio Industria ba Jornalista sira iha, Auditorium Ministeriu finansas Ai-tarak laran Dili,Segunda-feira(25/07/2022)
Nia dehan projetu boot ne’ebe mak Governu halo parseiru hamutuk ho USAID mak halo konstrusaun ba Cristo Rei no Porto Antigo Dili ne’ebe tuir Governu iha potensialidade ba desenvolvimentu rai-laran
“Partikular ne’ebe ohin kona-ba grande projeitu ne’ebe durante servisu hamutuk ho ita nia parseiru USAID, prepara hela mak Cristo Rei ho Porto Dili ninia ne’ebe ita hakarak atu haree ba halo konstrusaun sira ne’e para atu finaliza no fo sai ba publiku se hatan ba kestaun ne’ebe ita iha, em termu de turismu ita iha potensialidade, ita nia rai boot teb-tebes riku soin sira liu-liu beleza natureza ne’ebe ita iha tasi, rai maran no mos iha riku soin hanesan kultura ne’ebe ita iha”. Nia tenik
Nia deklara laos setor turismu deit mak importante maibe setor ekonomia importante iha kontextu desenvolvimentu nasaun nian
“Em termu de konektividade sai fator importante laos turismu deit setor ekomonia ne’ebe iha ita nia Ministeiro relevante mos haree ba ida ne’e, atu formaliza fali konektividade ita hahu ona normaliza komersial maibe ita seidauk normaliza sei iha proseso Vo nasaun sira seluk iha diskusaun la’o hela iha Konsellu Ministru”.Nia hatutan
Nia akresenta projeitu rua agora iha ona faze aprovizionamentu no sei fo sai tenderizasaun tuir aprovizionamentu
“Ita agora tama ba faze aprovizionamentu ona atu fo sai ba tenderizasaun tuir aprovizonamento, tanba ne’e ohin dehan modalidade PPP nakloke ba ba submisaun parte interesante sira, kona-ba situasaun ekonomia geral ne’ebe laos ita mesak sofre husi moras ida ne’ebe partikular ba ita nia rai, ita rona karik planu rekoperasaun ekonomiku ne’ebe iha kategoria tolu, ida longu pragu, mediu pragu no kurtu pragu ne’ebe lao dadauk ona desde 2020”.Nia hakotu
Reporter : Aquelina Taec & Marcela Mery da Costa