Engrafamentu Iha kapital Dili, Resulta Asidente Trafiku Ba Motorista Sira
SAPNewsTL, Dili: Engrafamentu iha kumoro husi diresaum Aimutin ba Lurumata akontese asidente trafiku Kareta ho sapa matrikula A. 20276 TL soke Motor ho sapa matrikula E. 9890 TL, rezulta kanek kaman ba ema ne’ebe lori motor.
Tuir ekipa jornalista SAPNewsTL observa asidente trafiku ne’e akontese iha dadersan 09:30 otl, Av. Pres. Nikolau Lobatu, konsege hamosu engrafamentu durante 30 minutus maibe, lalais hetan rezolve husi autoridade Polisia Nasional Timor-Leste (PNTL) Dom Aleixu sub Distrital Polisia estasiun, no ema ne’ebe lori motor konsege lori kedas ba sentru saude ne’ebe besik hodi hetan tratamentu lalais ba nia kondisaun.
Jornalista SAPNewsTL observa katak ema ne’ebe lori motor ne’e mai husi diresaun aimutin ultrapasa ona ba area Fatuhada, no kondutor kareta diresaun husi ESG 10 de Dezembru nian ba Fatuhada tanba, preokupadu ho kondisaun entaun menus konsentrasaun i lakonsege kontrola ho didiak entaun resulta asidente trafiku refere
Alende ne’e iha sorin seluk mosu asidente trafiku resulta ladun grave entre motor D-Tracker ho sapa matrikula R. 7958 TL, ho motor Beat ho sapa matrikula N. 4741 TL, akontese iha meudia 12:00 otl, iha area Bairo Pite, R. dos Mártires da Pátria, entre Loja Liverpool nia oin ho Postu Polisia Tránzitu nia sorin parte liman los.
Tuir SAPNews observa, motor D-Tracker ne’e husi diresaum maloa ba perumas tanba, la uza espion entaun atu halai se husi Polisia Tranzitu sira ne’ebe halo hela pasa revista ba motorizada, hodi rezulta asidente trafiku ba motor Beat ne’ebe husi diresaun Perumas atu ultrapasa ba liman karuk ba Sentru Saude Lanut.
Polisia Tranzitu sira konsege kaptura ema ne’ebe lori motor D-Tracker ne’e iha kedas fatin akonteaimentu no sei lao turi prosesu lai no sei toma responsablidade mos ba vitima.
Iha biban hanesan Polisia Tranzitu sira mos halo pasa revista ba motorizada sira ne’ebe la uza sapa matrikula no mos la uza espion no seluk tan, hahu husi dader oras 08:00-13:00 iha area Postu Polisia Tranzitu Bairu Pite no konsege kaptura mos motor neen (6), ne’ebe tuir mai ne’e KLX rua (2), Revo rua (2), Vision ida (1), Satria FU ida (1), oras ne’e daudaun iha ona Komandu Polisia Distrital Dili, Kaikoli.
Liu husi biban ida ne’e ekipa SAPNews rekomenda ba maluk sira ne’ebe uza trasporte privadu ou publiku, presiza tuir lei tranzitu ne’eba mak iha no kuidadu an wainhira lori motor ho kareta.
Jornalista : Antomio Altamirando