PN Loke Kompetisaun Defende Liberdade Imprensa, Premiadu Sei Hetan $ 5.000 Dolares
SAPNewsTL, Dili : Prezidenti Komisaun A Joaquim Dos Santos apresia ba projetu rezolusaun ne’ebe parlamentu aprova ba sidadaun sira ne’ebe mak defende liberdade imprensa nian no loke mos kompetisaun liberdade imprensa nian ba sidadaun Timor oan no mos estrangeirus
Tuir Deputadu Joaquim dos Santos hateten regulamentu atu fo premiu ba sidadaun sira ne’ebe defende liberdade imprensa, premiu ne’e ho naran Max Stahl tanba konsidera parlamentu hasai rezolusaun iha fulan tolu ne’ebe mak fo kompetensia ba komisaun A
“Atu elabora regulamentu ida para parlamentu aprova atu uza hodi fo premiu ba sidadaun timor oan sira ho mos estrangeiru sira ne’ebe defende liberdade imprensa laos atu defende jornalista deit sidadaun ne’ebe defende direito sidadaun nian liuliu relasiona ho liberdade imprensa ho ida ne’e mak parlamentu iha hanoin importante tenki fo no fo valoriza ba max Stall,” tenik Prezidenti Komisaun A Joaquim dos Santos ba jornalista sira iha resintu parlamentu segunda feira(25/07).
Iha regulamentu ne’e sei fo kompetensia ba komisaun A atu nomeia juri nain lima feto no mane, juri mak sei halo rekrutamentu no kria regras tuir kriterias sira
“Juri mak sei uza tau kriterias hodi halo selesaun ba kandidatus sira hodi fo provizóriu ne’ebe mak parlamentu nomeia, sira mak sei halo registrasaun ba kandidatu no registu sei halo mos klasifikasaun hotu tuir kriteriu, no sei aprezenta ba Prezidenti Parlamentu atu konsulta ho lider bankada sira atu fo premiu”. tenik Joaquim 25/07.
Entretantu, Juri sei hii liu husi sosiedade sivil ne’ebe independente hodi halo selesaun ba kandidatu sira
“Juri sei hala’o servisu durante fulan tolu, nune’e intrega ba prezidenti parlamentu hodi bele prepara iha fulan julhu, agusto no fulan setembru, lei ne’e regula ona ema nain lima la bele deputadu no membru governu sira maibe liu husi sosiedade sivil ema ne’ebe mak independenti mak sei halo selesaun,” dehan nia, segunda feira(25/07).
Enkuantu, komisaun sei forma iha 30 de junhu, nune’e sei hahu iha 01 de julhu to’o ba iha 31 de setembru
“Premiu sira ne’e sei fo iha loron 12 de Novembru, iha situasaun rua ne’e Max Stall nia kontribuisaun ba iha sidadaun nasional, timor oan sira ne’ebe halo kontribuisaun ba iha loron hanesan 12 de novembro,premiu ne’e sei iha oin rua sertifikadu no mos osan ho nia montante $ 5.000 mil.” nia informa (25/07).
Enkuantu, Juri mos sei kria kondisaun iha nia longu prazu durante fulan tolu nia laran no hili kandidatu nain tolu hodi bele tama ba iha klassifikasaun ikus nian iha tinan ne’e
Jornalista:Lidia Amaral & Ermelinda Soares