Rai Monu Difikulta Movimentu Transporte Entre Maubisse Ba Turiscai Paradu
Imajem: Estrada kotu tanba sofre rai monu ligasaun postu administrativu Maubisse ba postu administrativu Turiscai, iha Maubisse, Ainaro, 21/05/2026. . Foto: Pajina Facebook Ajhanu Mc.
SAPNewsTL, Ainaro : Estrada ligasaun postu administrativu Maubisse, munisípiu Ainaru ba postu administrativu Turiscai, munisípiu Manufahi kotu tanba sofre rai monu.
Tuir publikasaun husi Ajhanu Mc haktuir katak estrada ligasaun postu Maubisse ba Turiscai hetan erozaun iha loron iha loron 21 Maiu 2026 (oras loraik).
“Estrada ne’e envolve mós suku haat hanesan suku Edi, Maulau, Manetu no Manelobas, komunidade sira labele ho transporte halo movimentasaun tanba rai monu no grave total iha suku Fatubessi, postu Maubisse”. Hakerek Ajhanu Mc iha Maubisse, Ainaro, 21/05/2026.
Ajhanu husu ba kompanha ne’ebe responsabiliza ba konstrusaun ne’e hodi bele normaliza hikas ha tempu besik.
“Husu ba kompanha ne’ebe agora toma konta ba estrada refere bele normaliza fila fali atu transporte bele asessu ho diak”. Nia hakerek.
Tuir video ne’ebe Sapnews Pro asesu amostra katak komunidade ne’ebe haree ho matan hamonu matan-ween no tanis hodi dehan “kuitadu tebes” bolu “Jesus Kristu”, wainhira haree rai kontinua monu no estrada kotu.
Hafoin notísia ne’e publika, SAPNewsTL seidauk halo komfirmasaun ho parte Kompanha, Autoridade Munisípiu Ainaro no Ministériu Obras Públikas kona ba problema ne’e.
