Rede Kablaki Nakdoko Dala Rua, AS Marca Lidera Tabela Klasifikasaun 

SAPNewsTL, Dili: AS Marca Lidera Tabela Klasifikasaun provizoriumente ho pontu 6 hafoin manan Kablaki FC ho skore 2-1 iha jornada daruak divizaun daruak Liga Timorense epoka 2023.

Jogu Kablaki FC kontra AS Marca hala’o iha Estadium Munisipal Dili tersa (7/03/2023)

Iha jogu parte dahuluk bainhira kick off ekipa rua  ne’ebe mai ho ambisaun hakarak hetan pontu tolu halo kedas jogu tuir idak-idak nian estratejia halo presaun ba malu liu husi kontra atake ne’ebe tama ba minutu  15 jogador Carol Nascimento husi AS Marca marka golu hodi halo redi adversariu nakdoko hatuur kedas skore ba 1-0. Skore refere halo ekipa rua nafatin halo presaun ba malu atu aumenta tan golu maibe la konsege to’o minutu 45 remata skore nafatin 1-0.

Tama ba parte daruak ekipa Kablaki ne’ebe sofre tiha ona golu ida halo presaun makaas ba AS Marca hodi marka golu ne’ebe sira konsege hetan suta penalidade tama jogador As Marca halo falta iha area penalidade maibe jogador Jorge Nascimento la konsege marka golu husi suta penalidade ne’e maibe tama ba minutu 73 Kablaki FC konsege marka golu husi jogador Alito Cruz muda kedas skore ba 1-1.

Skore refere AS Marca halo atake fali ba adversariu ne’e tama minutu 77, As Marca hetan oportunidade suta penalidade tanba defeza Kablaki FC halo falta iha area penalidade ne’e jogador Oktavianus Conçalves konsege marka golu husi suta penalidade ne’e hodi muda fali skore ba 2-1, ne’ebe skore ida ne’e halo ekipa rua aumenta ritmu jogu maibe to’o minutu 90 remata ekipa ida la aumenta tan golu ona ne’ebe rezultadu 2-1 lori As Marca hetan pontu tolu lidea provizoriumente tabela klasifikasaun divizaun daruak Liga Timorense epoka 2023.

Depois jogu remata treinador Kablaki FC Carlos Vilar fo parabens ba ekipa advensariu no parabens ba jogador sira hotu mezmu ami lakon tenki fiar sira nafatin no hadia sala sira para jogu tuir mai hatudu kualidade jogu hetan vitoria

“Jogu parte daruak hau nia ekipa ladun hatudu jogu maibe tama ba parte daruak nian ekipa motivadu tebes muda jogu parabens ba ekipa As Marca tanba utiliza ami nia sala hodi marka golu iha parte extremu los nian ne’ebe hau nia jogador faila suta penalidade ne’e futebol hanesan ne’e,  hadia sala sira ohin halo ne’e para manan fali iha jogu tuir mai ami labele lakon motivasaun para halo kualidade jogu iha jornada sira tuir mai ne’ebe parabens ba hau nia jogador sira mezmu lakon hau tenki fiar sira”, tenik Carlos

Iha fatin hanesan treinador AS Marca Octavio da Costa Alves dehan, nia fo parabens ba nia jogador sira no jogu tuir mai sei hadia parte extremu karuk no los no jogu tuir mai sei hakaas an nafatin.

“Hau agradese no parabens ba hau nia jogador sira tanba durante ne’e hakaas an treinu tatika, sistema no estratejia ohin hau nia jogador sira hatudu duni  ba jogu hatudu duni jogu ba oin amo tenki hadia extremu karuk no los nian para hatama bola diak liu tan, ba jogu tuir mai ami sei hakaas an nafatin tanba ami nia ekipa sente jogu hotu final ba ami”, Octavio hatete

Reportajen: Augusto dos Santos