Forma To’o Tanis & Desmaia, Assosiasaun Universidade Lamenta Ho Atendimentu BNCTL No UNTL

SAPNewsTL, Dili : Relasiona Inskrisaun no Pagamentu ba estudante kontijente 2023 ne’ebe antrian no dudu malu iha Kampus Sentral UNTL, Porta Voz Assosiasaun Universidade Adilson F. Lopes, atual Senadu Fakuldade Agrikultura liu husi komunikadu imprensa lamenta ho estudante foun Sira Dudu malu no forma iha BNCTL iha madrugada to’o loraik

“Ami Lamenta ho atendimentu sira ne’ebe BNCTL no UNTL ba estudante foun 2023, tanba estudante foun Sira dudu malu no forma iha BNCTL iha madrugada to’o loraik tanba hakarak halo pagamentu lalais hodi nune’e bele apresenta iha fakuldade hodi prepara ba orientasaun akademika”. dehan Porta Voz Assosiasaun Universidade Adilson F. Lopes, iha Kampus Sentral UNTL, 09/03/2023

Nia hatutan,  Problema dudu malu iha banku BNCTL UNTL ikus Mai rezulta estudante balu desmaia, balu tanis no balu resibu lakon no estudante balu mak la konsege halo pagamentu maske forma iha banku BNCTL UNTL Sental ne’ebe mak iha dader madrugada to’o loraik ne’ebe akontese ba estudante UNTL sira iha Tinan Akademiku 2023 halo estudante barak la sente seguru hodi halo pagamentu.

Estadante UNTL konsidera Estrutura UNTL sira la preparadu hodi simu estudante foun Tinan akademika no la kria mekanismu di’ak hodi atende estudante sira no la iha seriedade hodi resolve problema refere tanba problema ida ne’e La’os foin akontese maibe akontese tina-tinan, Problema ne’e Akontese tanba estrutura UNTL ansi Liu atu tuir orientasaun akademika maske la preparadu maibe estrutura UNTL liliu parte finansas obriga estudante foun ho osan montante duzentus mill ital husi 4.000 ital, ne’ebe sei selu iha semana ida nia laran

Asosiasaun Akademika Estudante UNTL husu Reitor UNTL atu bele haree ba estudante sira ne’ebe mak agora estudante barak sai vitima ba Atendimentu dudu malu iha banku BNCTL inklui kordena ho BNCTL hodi buka mekanismu ne’ebe di’ak, halo atendimentu ba estudante Sira iha banku BNCTL Sentral hodi Evita problema sira liu husi aumenta tan Numeru funsionariu BNCTL no prolonga loron pagamentu hodi nune’e bele halo atendimentu lalais ba estudante sira.

Iha Fatin Hanesan, Estudante Foun Genoveva Fenesia Da Costa mos Lamenta tebes ho problema refere tanba durante estudante sira mai sedu antes ema loke portaun maske orariu ema dehan tuku 8:30 tanba sira loke portaun tarde maibe Sira Taka la to’o loraik,

“Lamenta tebs ho situasaun ne’e tanba estudante balu dokumentus nakles, balu osan lakon hotu, dudu malu, tan ne’e husu ba reitor UNTL nian atu halo mudansa uituan ba atendimentu BNCTL iha rejistasaun”. Dehan Genoveva Fenesia Da Costa

Entretantu, Adilson fundameta, “Se Reitor UNTL laiha imediata hodi foti desizaun ba alterasaun ba loron orientasaun Akademika ne’ebe sei akontese iha loron tuir mai, tanba hare ba kondisoes lubuk ida ne’ebe mak eziste ne’e gravida, se reitor la muda, Ami sei organiza estudante foun sira halo blokea ba orientasaun primeiru dia ano letivu 2023 nian”. nia hatete

Enkuantu, tuir Informsaun ne’ebe SAPNewsTL asesu liu husi Pajina Facebook Orientasaun Akademika tinan letivu 2023 sei realiza iha loron 13-14 fulan ne’e, no data ba registrasaun no pagamentu sei remata iha loron 13 fulan Marsu

Jornalista : Conzita Mota & Aquelinha Mangalhaes