UNTL Sei Hala’o Orientasaun Iha 13 Marsu, Assosiasaun & Estudante Foun Ameasa Halo Blokeia

SAPNewsTL, Dili : Hafoin akompanha Registrasaun no Pagamentu ba estudante kontijente 2023 ne’ebe forma antrian no dudu malu, estudante sira hein husi tuku dader to’o loraik iha Kampus Sentral UNTL, tanba prepara ba orientasaun akademika ne’ebe sei hala’o oha loron 13 no 14 semana oin, Porta Voz Assosiasaun Universidade Adilson F. Lopes, atual Senadu Fakuldade Agrikultura liu husi komunikadu imprensa ameasa sei halo blokeia ba orientasaun refere se la konsidera sira nia kestaun

“Problema dudu malu iha banku BNCTL UNTL ikus Mai rezulta estudante balu desmaia, balu tanis, balu resibu lakon no estudante balu mak la konsege halo pagamentu maske forma iha banku BNCTL UNTL Sentral ne’ebe mak iha dader madrugada to’o loraik ne’ebe akontese ba estudante UNTL sira iha Tinan Akademiku 2023 halo estudante barak la sente seguru hodi halo pagamentu”. dehan Porta Voz Assosiasaun Universidade Adilson F. Lopes, iha Kampus Sentral UNTL, 09/03/2023

Adilson fundameta, “Se Reitor UNTL laiha imediata hodi foti desizaun ba alterasaun ba loron orientasaun Akademika ne’ebe sei akontese iha loron tuir mai, tanba hare ba kondisoes lubuk ida ne’ebe mak eziste ne’e gravida, se reitor la muda, Ami sei organiza estudante foun sira halo blokeia ba orientasaun primeiru dia ano letivu 2023 nian”. nia hatete

Nia hatutan, Estudante UNTL konsidera Estrutura UNTL sira la preparadu hodi simu estudante foun Tinan akademika no la kria mekanismu di’ak hodi atende estudante sira no la iha seriedade hodi resolve problema refere tanba problema ida ne’e La’os foin akontese maibe akontese tina-tinan, Problema ne’e Akontese tanba estrutura UNTL ansi Liu atu tuir orientasaun akademika maske la preparadu maibe estrutura UNTL liliu parte finansas obriga estudante foun ho osan montante duzentus mill ital husi 4.000 ital, ne’ebe sei selu iha semana ida nia laran

Asosiasaun Akademika Estudante UNTL husu Reitor UNTL atu bele haree ba estudante sira ne’ebe mak agora estudante barak sai vitima ba Atendimentu dudu malu iha banku BNCTL inklui kordena ho BNCTL hodi buka mekanismu ne’ebe di’ak, halo atendimentu ba estudante Sira iha banku BNCTL Sentral hodi Evita problema sira liu husi aumenta tan Numeru funsionariu BNCTL no prolonga loron pagamentu hodi nune’e bele halo atendimentu lalais ba estudante sira.

Entretantu, Estudante Foun Genoveva Fenesia Da Costa mos Lamenta tebes ho problema refere tanba durante estudante sira mai sedu antes ema loke portaun maske orariu ema dehan tuku 8:30 tanba sira loke portaun tarde maibe Sira Taka la to’o loraik

“Lamenta tebs ho situasaun ne’e tanba estudante balu dokumentus nakles, balu osan lakon hotu, dudu malu, tan ne’e husu ba reitor UNTL nian atu halo mudansa uituan ba atendimentu BNCTL iha rejistasaun”. Dehan Genoveva Fenesia Da Costa

maske nune’e, maibe estudante kada fakuldade sia ne’ebe hamahan iha Universidade Nasional Timor Lorosa’e kontinua halo registrasaun hodi prepara ba prase akademiku tinan letivu 2023, portantu estudante ne’be admitidu iha UNTL hamutuk 4.804, entre sira 4.421 mak sei halo estudu iha Universidade refere.

Enkuantu, tuir Informsaun ne’ebe SAPNewsTL asesu liu husi Pajina Facebook Orientasaun Akademika tinan letivu 2023 sei realiza iha loron 13-14 fulan ne’e, no data ba registrasaun no pagamentu sei remata iha loron 13 fulan Marsu

Hafoin, Notisia ne’e tun, Jornalista SAP News TL tenta atu halo komfirmasaun ho Reitor UNTL, maibe la konsege tanba partisipa hela enkontru iha fatin seluk

Jornalista : Conzita Mota & Aquelinha Mangalhaes