Reduz Importasaun ! Governu Fahe Trator Ba Ainaru, Bobonaru & Covalima

SAPNewsTL, Dili – Ministériu Agrikultura, Perkuária, Peska no Floresta (MAPF, sigla portugues), ho Primeiru Ministru Xanana Gusmão, halo serimónia lansamentu ba ekipamemtu traktor bo’ot, hand traktor, makina kuda haree no makina kua haree hodi fasilita agrikultor sira husi munisipiu Covalima, Ainaro no Bobonaro.

Tuir Ministru Agrikultura Pekuária, Peska no Floresta, Marcos Da Costa hateten halo lansamentu ba ekipamemtu traktor bo’ot, hand traktor, makina kuda haree, makina kua haree. Makina refere hetan apoiu orsamentu husi Banku Mundial hodi fahe ba agrikultor sira husi munisipiu Covalima, Ainaro no Bobonaro.

“Makina sira ne’e ita sosa uza osamentu estadu no apoiu husu Banku mundial, program ne’e iha IV governu ita husu halo proposta no hetan aprovasaun maibe nia ezekusaun iha tinan 2016 ne’ebe mak kobre ba munisipiu hitu(7)”.Dehan Ministru Agrikultura Peska no Floresta iha nia diskursu, Quarta-feira(15/08/204)

Nia informa durante ne’e governu fo deit traktor maibe makina kuda haree no kua haree nian seidauk iha tanba ne’e MAPPF aumenta makina rua refere hodi hafasil agrikultor sira nia servisu no hasa’e produsaun haree.

“Ohin aumenta makina kuda haree no kua haree nian tanba durante ne’e ita fo deit traktor maibe ne’e ita sei servisu iha parte kultiva nian maibe agora ita iha faze seluk hanesan kuda haree no kua haree nian ne’ebe fo vantagem atu reduz servisu tanba ita harene katak agora daudaun ita tenke introduz ona makina modernu atu aumenta produsaun iha rai laran”.nia sublinha

Ministru salienta ekipamentu ohin nian ne’e ba deit munisipiu tolu(3), mak hanesan Covalima, Ainaro no Bobonaro.

Iha fatin hanesan, Primeiru Ministru Kay Rala Xanana haktuir husi ekipamentu no makina kuda haree no ko’a haree ne’ebe mak fahe ba agrikultura sira ne’e ho hanoin ida hasa’e produsaun no reduz importasaun.

“Espera iha tinan oin mai, ita komesa ona reduz importasaun hodi ikus mai ita bele konfia katak ita produz, ita bele han”. PM Kayrala Xanana Gusmão hatete.

Programa lansamentu ne’e iha hand traktor hamutuk tolu nulu resin walu (38), makina kuda haree hamutuk atus ida tolu (103) no makina kua hare uanulu resin tolu (23) sei ba munisipiu tolu (3), hanesan Covalima, Ainaro no Bobonaro.

Iha serimonia entrega ekipamentu agríkola ba grupu agrikultura husi munisipiu Bobonaro, Ainaro no Covalima ne’e partisipa husi Primeiro Ministru Kay Rala Xanana Gusmão, Vise Primeiro Ministro, Ministro Coordenador dos Assuntos Economicos e Ministro do Turismo e Ambiente Fransisco Kalbuadi Lay, Presidente Autoridade Região Administrativa Espesial Oe-Cusse Ambeno(RAEOA) no Ministru Agrikultura, Pekuária, Peska no Floresta Marcos Da Costa.

Jornalista : Marcela Mery da Costa