Referendum Tempu Terus Ne’ebe Ema Barak Sente & Determina Ukun An

SAPNewsTL, Díli – Madre Superiora Misionária Jesus Futar Fuan Domin Ermelinda Soares, konta momentu loron referendum, povu Timór ezerse nia direitu de votus ho sofrimentu no tauk hodi deside desizaun koletiva ukun rasik an.

Responsável másimu komunidade Misionária Jesus Futar Fuan Domin Madre Ermelinda Soares informa, akontesimentu iha tinan 1999 maske situasaun difisil maibé nia parte obrigadu tenki hakak husi Munisipiu Liquça ba, Suku Dare Postu Administrativu Vera Cruz Munisipiu Dili hodi ezerse nia direitu nu’udar kontribuisaun ba independênsia.

“Altura ne’eba ha’u hola parte iha suku Dare Postu Administrativu Vera Cruz, Munisipiu Dili, entaun obrigatoriamente, ami tenki ba ezerse direitu de votus iha dare maske ami vota ho sentimentu ta’uk”. Dehan Madre Superior Misionária Jesus Futar Fuan Domin Madre Ermelinda Soares ba Media SAPNews iha nia rezidénsia Bairu-Pite, Sabadu, (24/08/2024)

Nia fundamenta iha altura ne’eba maske situasaun dilfisil maibé povu doben Timor-Leste ezerse direitu ho sentimentu tauk, tamba iha situasaun ne’ebe difisil mosu intimidasaun husi Polisia no militar Indonesia, iha momentu pro independénsia halo atake makas kontra pro Indonesia, tempu referemdum.

“Maske situasaun difisil maibé ami ho aten brani firme iha ami nia pozisaun hodi ezerse votu ho konsiensia katak mate ka moris Timor tenki ukun rasik aan, antes vota ami kria movimentu boot tau matan ba refuziadu sira husi Munisipiu Liquiça, ami haree situasaun iha Díli manas, ami iha inisiativa hodi salva sidadaun sira ne’ebé hetan intimidasaun”.

Madre Ermelinda Soares klarifika tan katak, tempu referemdum inimigu sira oho populasaun, situasaun iha altura ne’eba nakonu ho ameasa no iha intimidasaun oioin.

“Ami iha opsaun rua ne’ebe sai baralha iha ami nia pensamentu katak mate mos ami prontu, karik ami hetan independénsia, ami sei goza ukun rasik an, Ami lubuk ida ne’ebe fila husi indonezia mai Timor, ami iha esperansa katak Timor sei ukun aan, ami tau iha ami fuan katak maske difisil tebes maibé ami sei hetan liberdade”.Ermelinda Soares hateten

Ermelinda Soares fo agradese ba United Nations Mission in East Timor (UNAMET) nia prezensa tanba sentraliza FALINTIL no militar Indonesia hamutuk ho povu iha vila hodi ezerse direitu ba hetan ukun an.

“Situasaun difisil tebes, ami la tauk milisi sira, atu hatete katak ba foinsa’e sira ne’ebe moris iha 2000 mai to’o ohin loron la hatene historia, no sakrifisiu ne’ebe sobrevivente sira halo, presiza buka hatene atu bele banati tuir ispíritu luta no dame iha tempu difisil.”

Ermelinda Soares husu juventude sira atu kaer metin ispiritu nasionalismu hodi hadomi nafatin nasaun Timór-Leste.

“Ohin loron, ita ukun aan ona, ita hetan liberdade ne’e mai husi ruin no ran, joven sira tenki presta responsabilidade katak badinas serbisu, estuda no hadomi ita nia nasaun, atu foinsa’e labele lakon moral barak, imi tenki kaer metin ispíritu nasionalismu hodi hadomi nafatin ita nia nasaun”.

Jornalista : Ermelinda Soares & Marcela Mery da Costa