Rejista Kazu Insestu 159 Iha TL, SEII Konsidera Kuda Sentimentu Ba Família Ne’e Krime

SAPNewsTL, Dili: Sekretariu Estadu Igualdade Inkluzaun (SEII) rejista ona kazu insestu hamutuk 159 husi tinan 2010 to’o agora ne’ebe hetan husi organizasaun non governmental sira iha Timor-Leste.

“Dadus ne’e ba kazu insestu ne’ebe ami  rejista husi 2010 to’o agora mai husi ita organizasaun non governmental sira  iha Timor-Leste maka kazu insestu ka violensia seksual aman halo  kontra oan feto kazu hamutuk 150, oan mane kontra inan foin ida, naan halo ba feto  kazu rua no avo halo ba beioan feto hamutuk kazu neen”, dehan SEII Maria do Rosario Fatima Correia ba jornalista sira iha salaun Maria Gorreti Caicoli, Dili kuarta (8/02/2023).

Sekretaria Estadu hatutan, kazu Insestu mak kazu ne’ebe aman halo violensia seksual ba oan feto, Tiu halo ba subrina,  avo halo ba beioan feto no oan hola nia inan ho naan halo ba feto tuir lolos ida ne’e labele tan ne’e husu ema hotu iha nia esforsu iha Timor-Leste para bele kriminaliza kazu ne’e.

Goverante ne’e husu ema hotu liuliu media sira para ajuda dezamina informasaun ba ema hotu iha Timor-Leste katak ida ne’e labele akontese tanba oinsa mak ema konsiente katak aman ida bele toba hamutuk ho oan feto no avo ida bele toba ho beioan feto maibe tuir lolos ne’e violensia seksual kontra feto no labarik feto.

Reportajen: Augusto dos Santos