Rezeita Fo Komentáriu, PM Taur Nafatin Iha Konfiansa Ba Governante Na’in Rua
Imagen Primeiru Ministru Taur Matan Ruak iha Palasio Presidensial Nicolau Lobato Bairo-Pite Quinta-feira 13/10/2022)
SAPNewsTL, Dili : Relasiona ho Kazu Prende osan $130.000.00 iha aeroportu ne’ebe hetan Intervensaun husi membru Governu nain rua hanesan Vise Ministro Justisa Jose Edmundo Caetano, no Vise Ministro Interior Antonio Armindo ba Servisu Nasional Intelejensia, Taur Matan Ruak prefere Hein Resultadu Investigasaun husi parte kompetente.
“Husik ba Investigasaun mak hatene, ha’u prefere atu prosesu Investigasaun mak kobre. Tenik Primeiru Ministru Taur matan Ruak iha Palasio Presidensial Nicolau Lobato Bairo-Pite Quinta-feira 13/10/2022)
Entretantu, Xefe Guvernu ne’e Rejeita atu fo komentário kona-ba karta husi Vise Ministro Interior ba iha komandu PNTL hodi husu atu ezonera Diresaun Nasional Informasaun Interna Servisu Nasional Intelejensia (DNII-SNI) Ajente Xefe Polisia Gastão Piedade.
“Ha’u laiha konhesimentu, entaun ha’u labele halo komentariu ba ida ne’e”. Sublinha Matan ruak
Enkuantu, Xefe Orgaun Ezekutivu Taur Matan Ruak sei fo konfiansa ba nia Membru Governu sira tanba respeita ba prezunsaun Inosensia.
Maske nune’e, kazu refere Polisia Cientifika Investigasaun Criminal (PCIC) submete ona ba Ministeriu Publiku hodi halo julgamentu tuir lei ne’ebe estadu Timor Leste Adopta
Jornalista : Vinsensius Saldanha
Editor : Ekipa Editorial