Valoriza Sakrifisiu Ba TL, PR Horta Kondekora Roy Trivedy Ho Grau Orden Kolar
Imajen Presidente Republika Jose Ramos Horta Kondekora Roy
SAPNewsTL, Dili : Hafoin servi estadu Timor Leste Durante tinan lima, Liu husi Dekretu Lei númeru 20/2009, 06 Maiu, Ba prestijiu no Dignidade, Demonstra no rekonesimentu Timor Leste ba sidadaun Nasional no Estranjeiru, Presidente da Repúblika José Manuel Ramos Horta kondekora koordenador Nasaun Unida iha Timor Leste, Roy Trivedy, ho Medalha Grau Orden Kolar Timor Leste.
Vise Ministru Negosiu Estranjeiru no kooperasaun(V-MANEK), Julião da Silva haktuir, Estadu kondekora Roy Trivedy ho Medalha Grau Orden kolar, tanba durante tinan Lima fo ona kontribuisaun ba Timor-Leste iha Sektor oioin.
“Kondekora Medalha Grau Orden kolar Timor Leste ba Roy Trivedy, katak durante tinan Lima fo ona kontribuisaun ba Timor-Leste iha area Dezenvolvimentu Nasionál, Liliu bainhira Timor Leste hasoru hela pandemia Covid-19, hasoru inundasaun iha 4 De abril ajensia UN servisu makas hodi ajuda Timor Leste”. Dehan V-MANEK Julião da Silva iha palasio presidensial Nicolau Lobato Bairo-Pite Quinta-feira, 12/10/2022
Imajen Vise Ministru Negosiu Estranjeiru no kooperasaun(V-MANEK), Julião da Silva
Governante ne’e fundamenta, Misaun Roy Trivedy hamutuk ho ajensia( ONU) iha Timor Leste mak apoiu servisu agrikultura, nutrisaun inklui setor sira seluk iha nasaun ne’e.
Enkuantu, koordenador Nasaun Unidas(ONU) iha Timor Leste, Roy Trivedy, sente orgulho no fo agradese ba Presidente da Repúblika no povo Timor Leste ne’ebe valoriza servisu durante ne’e.
Jornalista : Vinsensius Saldanha
Editor : Ekipa Editorial